كاسىپكەرلەردىڭ ۇستىنەن نەگىزسىز قىلمىستىق ءىس قوزعاعاندار جازالانۋى ءتيىس. بۇل تۋرالى بۇگىن ۇكىمەتتىڭ كەزەكتەن تىس وتىرىسىندا پرەمەر-ءمينيسترى باقىتجان ساعىنتاەۆ ءمالىم ەتتى, دەپ حابارلايدى قازاقپارات.
«مەملەكەت باسشىسى تارابىنان سالىق ورگاندارىنىڭ قىزمەتىنە قاتىستى دا سىن كوپ بولدى. بۇل نەگىزسىز تەكسەرۋلەر مەن تاجىريبەدە سالىق زاڭناماسىن قولدانۋدىڭ قيىندىعىن قاتىستى. باقىت تۇرلىحان ۇلى (قارجى ءمينيسترى سۇلتانوۆ), سىزگە مەملەكەتتىك كىرىستەر كوميتەتىنىڭ جۇمىسىن بيزنەستى تەكسەرۋدى وڭتايلاندىرۋ باعىتىندا ىڭعايلاۋ قاجەت. 1 ايدىڭ ىشىندە باس پروكۋراتۋرامەن بىرلەسىپ, نەگىزسىز قوزعالعان قىلمىستىق ىستەردىڭ ءمان-جايىن انىقتاڭىز. مۇنداي ىستەردى قوزعاعاندار جازالانۋى ءتيىس», - دەدى پرەمەر-مينيستر.
ايتا كەتەيىك, كەشە ەلباسى نۇرسۇلتان نازارباەۆ بيزنەسمەندەرگە سەبەپسىز قىلمىستىق ءىس قوزعاعان ورگانداردىڭ قىزمەتكەرلەرىن جۇمىستان بوساتۋدى تالاپ ەتكەن بولاتىن.