استانادا 2017 جىلى «جۇمىسپەن قامتۋ جول كارتاسى 2020» باعدارلاماسىنىڭ ورنىنا جاڭا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى ىسكە اسىرىلاتىن بولادى, دەپ حابارلادى قالا اكىمدىگىنىڭ رەسمي سايتى.
ول قاتىسۋشىلاردى تەحنيكالىق جانە كاسىپتىك بىلىممەن جانە قىسقا مەرزىمدى كاسىپتىك وقىتۋمەن قامتاماسىز ەتەدى. باعدارلاما شەڭبەرىندە ەڭبەك نارىعىندا سۇرانىسقا يە ماماندىقتار بويىنشا 1550 ادامدى وقىتۋ جوسپارلانۋدا. بۇدان بولەك, جاڭا باعدارلاما شەڭبەرىندە الەۋمەتتىك جۇمىس ورىندارىنا, جاستار پراكتيكاسىنا جانە قوعامدىق جۇمىسقا 2780 ادامدى قامتۋ جوسپارلانۋدا. بۇل تۋرالى استانا قالاسىنىڭ حالىقتى جۇمىسپەن قامتۋ ورتالىعىندا جۇمىس ىزدەپ جۇرگەن وقۋ ورىندارىنىڭ تۇلەكتەرىنە ارنالعان ترەنينگ بارىسىندا ءمالىم بولدى.
سونىمەن قاتار, ترەنينگ اياسىندا ورتالىق ماماندارى ىسكەرلىك قارىم-قاتىناس داعدىلارىن, سۇحباتتاسۋدى ءساتتى ءوتۋدىڭ, تۇيىندەمەنى دۇرىس قۇرۋدىڭ قۇپيالارىمەن ءبولىستى. تۇلەكتەر اراسىنداعى جۇمىسسىزدىقتىڭ نەگىزگى سەبەبى, ولاردىڭ ەڭبەك نارىعىنا العاش شىعۋى بولىپ تابىلادى.
ايتا كەتەيىك, استانا قالاسىندا بەلسەندى ءىس-شارالاردى قولدانۋ 2016 جىلدىڭ 3 توقسانىندا جاستار اراسىنداعى جۇمىسسىزدىقتىڭ دەڭگەيىن 4,6%-عا تومەندەتۋگە كومەكتەستى, 1 توقسانمەن سالىستىرعاندا 1% عا تومەندەتىلدى.