استانا قالاسى ءماسليحاتىنىڭ دەپۋتاتتارى ەلوردا اۋماعىنداعى تۋريستىك قىزمەت سالاسىنداعى مەملەكەتتىك ساياساتتى جۇزەگە اسىرۋ مەن ۇيلەستىرۋ ماسەلەسىن قارادى, دەپ حابارلايدى قالالىق اكىمدىكتىڭ ءباسپاسوز قىزمەتى.
استانا قالاسىنىڭ ينۆەستيتسيالار جانە دامۋ باسقارماسىنىڭ باسشىسىنىڭ ورىنباسارى كانات يسابەكوۆ ءوز بايانداماسىندا قاتىسۋشىلارعا استانانىڭ بەرلين, ماسكەۋ, تبيليسي, سۋجوۋ, الماتى قالالارىندا وتكەن حالىقارالىق جانە وتاندىق تۋريستىك كورمەلەرگە قاتىسقانى تۋرالى جەتكىزدى. وسىنداي تانىستىرۋ مارشرۋتتارىن جۇرگىزۋدىڭ باستى ماقساتى «استانا ەكسپو-2017» حالىقارالىق مامانداندىرىلعان كورمەسىنە تۋريستەر اعىمىن تارتۋ تاجىريبەسىن زەرتتەۋ جانە استانا قالاسىنىڭ تۋريستىك ورتالىق رەتىندە ءيميدجىن دامىتۋ بولىپ تابىلادى.
ءوز كەزەگىندە ەل اۋماعىندا تۇساۋكەسەرلەر, ۆ2ۆ فورماتىنداعى كەزدەسۋلەر وتكىزىلىپ, استانا قالاسى تۋريستىك نارىق سۋبەكتىلەرى مەن وڭىرلىك, شەتەلدىك تۋريستىك وپەراتورلار اراسىنداعى سەرىكتەستىك تۋرالى كەلىسىمدەر جاسالعان.
«2016 جىلى ماۋسىم-جەلتوقسان ايلارىندا استانا قالاسىندا شەكاراعا جاقىن رەسەيلىك قالالار قازان, چەليابى, ءنوۆوسىبىر, سۆەردلوۆسك, التاي, ومبى, قورعان قالالارىنىڭ باق وكىلدەرى, بلوگەرلەر مەن جەتەكشى تۋريستىك وپەراتورلارىنا ارنالعان 8 اقپاراتتىق تۋر ۇيىمداستىرىلعان. اعىمداعى جىلى شەكارا ماڭىنداعى قالالاردىڭ, باۋىرلاس قالالاردىڭ باق وكىلدەرى, بلوگەرلەر مەن جەتەكشى تۋريستىك وپەراتورلارىنا ارنالعان 10 اقپاراتتىق تۋر ۇيىمداستىرۋ جوسپارلانعان», - دەيدى قانات يسابەكوۆ.
بۇدان باسقا, ونىڭ سوزىنە سايكەس, اقپاراتتىق تۋر شەڭبەرىندە شەتەلدىك تۋريستەردى قابىلداۋعا جۇمىس جاسايتىن وتاندىق تۋروپەراتورلاردىڭ قاتىسۋىمەن Workshop فورماتىندا دوڭگەلەك ۇستەل وتكىزىلىپ, ونىڭ قورىتىندىسى بويىنشا تۋريزم سالاسىنداعى سەرىكتەستىك تۋرالى مەموراندۋم مەن ەكى مەملەكەتتىڭ تۋريستىك وپەراتورلارى اراسىنداعى كەلىسىم-شارتتار جاسالدى.
بىرىڭعاي تۋريستىك جيناقتى دامىتۋ ماقساتىندا بيۋرو اقمولا وبلىسىمەن تىعىز سەرىكتەستىكتە جۇمىس جاساپ وتىر, «ەكسپو-2017» كورمەسىن وتكىزۋ شەڭبەرىندە قالا قوناقتارىنا ۇسىنىلاتىن بىرلەسكەن مارشرۋتتار كەلىسىلگەن.
سونىمەن قاتار, بيۋرو ICCA - ماسكەۋ مەن سانكت-پەتەربۋرگ قالالارىنىڭ تاجىريبەسى بويىنشا حالىقارالىق كونگرەسستەر مەن كونفەرەنتسيالار اسسوتسياتسياسىنا مۇشە بولدى, بۇل قالادا ءار ءتۇرلى باعىتتار بويىنشا ءىرى شارالار وتكىزۋگە جانە جۇمىستى ۇيىمداستىرۋعا مۇمكىندىك بەرەدى.
"استانا قالاسىنا كونگرەسس-كورمە شارالارىن تارتۋ بويىنشا جۇمىستار جۇرگىزىلىپ وتىر," دەدى ق. يسابەكوۆ.
بۇگىنگى تاڭدا استانادا تۋريستىك اقپارات ورىندارى جۇمىس ىستەيدى, ءمۋلتيتىلدى جاياۋ باعدارلانۋ جانە ناۆيگاتسيا جوباسى جۇزەگە اسىرىلعان, ول 100 ناۆيگاتسيالىق پيلون مەن 140 جاياۋلار نۇسقاۋشىلارىنان قۇرالادى, سونىمەن قاتار, پايدالانۋشىلارعا قاجەتتى تىلدە قىزمەت كورسەتۋگە مۇمكىندىك بەرەتىن FriendlyTaxi جوباسى جۇمىسىن باستاعان.
بۇدان باسقا استانا قالاسىنىڭ سەرىكتەستىك باعدارلاماسى Recommendedby EXPO-2017 جۇزەگە اسىرىلعان. تالقىلاۋ قورىتىندىسى بويىنشا تۋريستىك قىزمەتتەر كەشەنىن تەك قالادا عانا ەمەس, جاقىن وڭىرلەردە جۇزەگە اسىرۋ جانە مۇندا ناقتى قول جەتىمدى مارشرۋتتار دايىنداپ, كورىكتى ورىنداردىڭ كوورديناتتارى كورسەتىلگەن سيپاتتاماسىن دايىنداۋ ۇسىنىلدى.
سونىمەن قاتار, تۋريستىك يندۋستريا نىساندارى قۇرىلىسىنا باعىتتالعان قىزمەتتى, قۇرىلىستى, كولىك جانە ينجەنەرلىك ينفراقۇرىلىمدى دامىتۋ, سونىمەن قاتار, قوناق ءۇي, قوعامدىق تاماقتانۋ, قىزمەت كورسەتۋ سالالارىن بەلگىلەنگەن ساپا تالاپتارىنا سايكەستەندىرۋ بويىنشا بىرقاتار نۇسقاۋلار دايىندادى.