قىزمەتىنە ساي قۇرمەت

تاياۋدا استانادا سىرتقى ىستەر مينيسترلىگى مەن ل.ن.گۋميلەۆ اتىنداعى ەۇۋ بىرلەسىپ, بەلگىلى ديپلومات سايلاۋ باتىرشا ۇلىنىڭ 75 جىلدىق مەرەيتويىنا ارنالعان «قازاقستان رەسپۋبليكاسىنىڭ ديپلوماتياسى: قالىپتاسۋى, دامۋى جانە كەلەشەگى» تاقىرىبىندا حالىقارالىق عىلىمي-تاجىريبەلىك كونفەرەنتسيا وتكىزدى. كونفەرەنتسياعا سىرتقى ىستەر مينيسترلىگىنىڭ قىزمەتكەرلەرى, دەپۋتاتتار, ەلىمىزگە تانىمال تۇلعالار, زيالى قاۋىم وكىلدەرى, وماننىڭ, مىسىردىڭ, ۋكراينا, بەلارۋس, ليۆان, اۋعانستان جانە باسقا دا مەملەكەتتەردىڭ قازاقستانداعى ەلشىلەرى مەن ديپ­لوماتتارى قاتىستى. جيىندى اشقان ل.ن.گۋميلەۆ اتىنداعى ەۇۋ-ءدىڭ رەكتورى ەرلان سىدىقوۆ مەرەيتوي يەسىن قۇت­تىقتاپ, ديپلوماتتىڭ تۇلعا­لىق جانە كۇرەسكەرلىك جولى جايلى جۇرەكجاردى پىكىرىمەن ءبولىستى جانە وقۋ ورنى اتىنان سىي-سياپات تابىستاپ ءارى ونىڭ كەۋ­دەسىنە ۋنيۆەرسيتەتتىڭ ەڭ جو­عا­رى «كۇلتەگىن» مەدالىن تاقتى. سونداي-اق, سىرتقى سايا­سات ۆەدومستۆوسى تاراپىنان مي­­نيستردىڭ ورىنبا­سارى ر.ۆا­سيلەنكو مەرەيتوي يەسى – س.باتىرشا ۇلىنا قازاقستاننىڭ سىرتقى ساياسا­تىنداعى جەمىستى ەڭبەگى ءۇشىن التىن ءتۇستى «ەڭبەك ارداگەرى» مەدالىن تاپسىردى. جيىن بارىسىندا ديپ­لوماتتىڭ ءومىرى مەن قىزمەتتىك جولىن, قاجىر-قايراتىن ار­قاۋ ەتكەن «تاۋەلسىزدىك جو­لىن­­داعى ديپلوماتيا» اتتى ەسسە-ديالوگ كىتابىنىڭ تۇساۋ­كە­سەر ءراسىمى ءوتتى. مۇرات ال­ماس­بەك ۇلىنىڭ اۆتور­لىعىمەن جارىق كورگەن جەتى بولىمنەن تۇراتىن كىتاپتا ەلىمىزدىڭ شيرەك عاسىر ىشىندە قول جەت­كىزگەن جەتىستىكتەرى مەن پرەزي­دەنت ن.ءا.نازارباەۆتىڭ وسى جولداعى ەرەن ەڭبەگى, قازاق ديپلوماتياسىنىڭ بىرقاتار تۇلعالارى تۋرالى, سونداي-اق, ءتاۋ­ەلسىزدىك, ۇلت تاعدىرى, ءتىل مەن ءدىن, شەتتەگى قانداستار حا­قىندا كەڭىنەن باياندالادى. بۇگىندە قازاقستاندىق ديپ­لوماتيانىڭ اقساقالى سانالاتىن ساكەڭنىڭ اتالعان سالا تابالدىرىعىن اتتاعانىنا 50 جىل تولدى. قازىرگى تاڭدا زەينەت جاسىنان اسسا دا, ەلىمىزدىڭ سىرتقى ساياساتىنىڭ قايناعان قازانىنان قول ۇزبەي كەلەدى, جاس ماماندارعا كاسىبي ديپلومات رەتىندە اقىل ايتۋدى ءوزىنىڭ پارىزى سانايدى. وسى ورايدا, ءبىزدىڭ بۇگىنگى كەيىپكەرىمىزدىڭ ل.ن.گۋميلەۆ اتىنداعى ەۇۋ-ءدىڭ پرو­فەسسورى رەتىندە حالىق­ارالىق قاتىناستار مامان­دارىن دايارلاپ, شاكىرت­تەرگە, ماگيسترانتتارعا, دوكتو­رانت­تارعا ءبىلىم بەرۋگە بار كۇش-جىگە­رىن ارناپ جۇرگەنىن دە ايتا كەتۋىمىز كەرەك. دامير ەرنيازوۆ, ل.ن.گۋميلەۆ اتىنداعى ەۇۋ دوتسەنتى