ەلىمىزدە تۇڭعىش رەت بايراعىن كوتەرگەن ءححVىىى دۇنيەجۇزىلىك قىسقى ۋنيۆەرسيادا قۋانىشى قاناتتاندىرعان اقمولالىق مەكتەپ وقۋشىلارى ششۋچينسك قالاسىندا شورت-ترەكتەن جارىس وتكىزدى.
قالاداعى №8 مەكتەپ-گيمنازيانىڭ سپورت الاڭىنداعى جارىسقا وبلىستاعى جالپى ءبىلىم بەرەتىن مەكتەپتەردىڭ 8 كومانداسى قاتىستى. ال, جارىس جولىنا شىققان بالعىنداردىڭ سانى وتىزدان اسىپ تۇسەدى. وكىنىشكە قاراي, الدىن الا ءوتىنىش بەرگەن ارشالى جانە جارقايىڭ اۋداندارىنىڭ وكىلدەرى اۋا رايىنىڭ قولايسىزدىعىنا بايلانىستى جارىسقا قاتىسا المادى.
تارتىستى باسەكەنىڭ قورىتىندىسىندا بۋراباي اۋدانىنىڭ بالالارى جەڭىمپاز اتانىپ, ەگىندىكول اۋدانى مەن كوكشەتاۋ قالاسىنىڭ كومانداسى جۇلدەلى ورىنداردى ءوزارا ءبولىستى. ەستافەتالىق 4ح500 جارىستا دا اتالعان كوماندالار وزىپ شىقتى.
جەكەلەي بىرىنشىلىكتە 300, 500 جانە 1000 مەترلىك قاشىقتىقتا بۋراباي اۋدانىنان ديانا جازيز, دانيار شايحىنوۆ جانە پەتر حوحلوۆ سياقتى بالعىن سپورتشىلار جەڭىس تۇعىرىنا كوتەرىلدى.
باقبەرگەن امالبەك,
«ەگەمەن قازاقستان»
اقمولا وبلىسى,
بۋراباي اۋدانى