ۇلتتىق اكادەميالىق كىتاپحانادا مەملەكەت باسشىسى ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» قازاقستان حالقىنا جولداۋىن تالقىلاۋ بويىنشا كەزدەسۋ ءوتتى. شاراعا زيالى قاۋىم وكىلدەرى, عالىمدار, ەلىمىزدىڭ باس كىتاپحاناسىنىڭ قىزمەتكەرلەرى مەن وقىرماندارى قاتىستى.
«پرەزيدەنت نۇرسۇلتان نازارباەۆتىڭ جولداۋىندا ەل ازاماتتارىنىڭ الەۋمەتتىك جاعدايىن جاقسارتۋ تۋرالى ناقتى ايتىلادى. بۇل ماقساتقا سايكەس, ۇكىمەتكە زەينەتاقىلار, ءتۇرلى الەۋمەتتىك تولەمدەردىڭ دەڭگەيىن جوعارىلاتۋ, الەۋمەتتىك-ەكونوميكالىق سالانى جاڭعىرتۋ بويىنشا مىندەتتەر جۇكتەلىپ وتىر. بۇگىنگى تاڭدا قازاقستان الەمنىڭ باسەكەگە قابىلەتتى وزىق 50 ەلىنىڭ قاتارىندا, الايدا, الدىمىزدا ۇزدىك وتىزدىققا ەنۋ ماقساتى تۇر. سوندىقتان ءبىزدەر – قازاقستاندىقتار ءبىلىم دەڭگەيىمىزدى, قۇقىقتىق جانە قارجىلىق ساۋاتتىلىعىمىزدى جوعارىلاتىپ, جان-جاقتى دامۋىمىز قاجەت, اسىرەسە, بۇل – جاستارعا قاراپ ايتىلاتىن ءسوز», دەدى ستراتەگيالىق جوسپارلاۋ, عىلىم جانە مەنەدجمەنت قىزمەتىنىڭ باسشىسى, ساياسي عىلىمدار دوكتورى ناتاليا كالاشنيكوۆا.
سونداي-اق, ول جولداۋدىڭ پراگماتيكالىق باعىتتاعى ستراتەگيالىق قۇجات رەتىندەگى ماڭىزىنا توقتالىپ ءوتتى. «ەل پرەزيدەنتى قوعامعا ەكونوميكالىق دامۋدىڭ جاڭا مودەلىن قۇرۋ تۋرالى ناقتى ءمىندەت قويىپ, بولاشاعىن بولجاي بىلگەن, قيىندىقتاردان قاشپاي, ولاردى وتكەرە بىلگەن حالىق سوڭىندا جەڭىمپاز بولاتىندىعىن اتاپ كورسەتتى», دەدى ن.كالاشنيكوۆا. سونىمەن قاتار, ول بۇل پرەزيدەنت ءوزىنىڭ سارابدال ساياساتى ارقىلى دايەكتىلىكپەن جۇزەگە اسىرىپ كەلە جاتقان بايىپتى دا ءورشىل جولداۋ بولىپ تابىلاتىنىن ايتتى.
«جولداۋعا ەنگەن جاڭا ساياسي, قوعامدىق ماڭىزدى تەرميندەر الدا جۇزەگە اسىرىلۋى ءتيىس بولاتىن بىرەگەي مودەلدىڭ دالەلى بولىپ تابىلادى», دەدى ناتاليا پاۆلوۆنا.
ۇلتتىق اكادەميالىق كىتاپحانانىڭ جاس مامانى ءجاميلا زايىروۆا ارىپتەسىنىڭ پىكىرىنە قولداۋ كورسەتە كەلىپ, بىلاي دەدى: «مەن جانە مەنىڭ وتانداستارىم ءۇشىن وسى جولداۋ اياسىندا مىڭداعان جاڭا جۇمىس ورىندارىنىڭ اشىلاتىندىعى ەرەكشە قۋانىشتى جاعداي. ويتكەنى, بۇل كوپتەگەن قازاقستاندىقتار ءۇشىن جاڭا ءمۇمكىندىكتەردىڭ پايدا بولاتىندىعىن ءبىلدىرەدى».
ەڭ باستىسى, ءبىز جولداۋدا كورسەتىلگەن مىندەتتەردىڭ جۇزەگە اسۋىنا جاۋاپتىمىز, دەدى ول.