پارلامەنت سەناتى حالىقارالىق قاتىناستار, قورعانىس ءجانە قاۋىپسىزدىك كوميتەتىنىڭ ءتورايىمى داريعا نازارباەۆا تۇڭعىش پرەزيدەنت قورى مەن الەمدىك ەكونوميكا جانە ساياسات ينستيتۋتىنىڭ قىزمەتكەرلەرىمەن كەزدەستى, دەپ حابارلادى پارلامەنت سەناتىنىڭ ءباسپاسوز قىزمەتى.
كەزدەسۋ بارىسىندا پرەزيدەنت ن.ءا.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» حالىققا جولداۋىن ءىسكە اسىرۋ ماسەلەلەرى تالقىلاندى.
ستراتەگيالىق قۇجاتتىڭ ءتورتىنشى باسىمدىعى – ادامي كاپيتالدى جاقسارتۋعا ەرەكشە نازار اۋدارىلدى. كەزدەسۋگە قاتىسۋشىلار اۋىلدىق جەرلەردەگى ءبىلىم بەرۋدى دامىتۋ, ءۇش ءتىلدە ءبىلىم بەرۋگە كەزەڭ-كەزەڭىمەن كوشۋ, «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسىن ىسكە اسىرۋ ءماسەلەلەرى جونىندە ءوز پىكىرلەرىن ورتاعا سالدى.
د.نازارباەۆا ينستيتۋت ساراپشىلارى مەن قور قىزمەتكەرلەرىنىڭ نازارىن جولداۋ ەرەجەلەرىنە ءسايكەس جۇمىستى قايتا قالىپتاستىرۋ قاجەتتىگىنە اۋداردى. «حالىقتىڭ مۇڭ-مۇقتاجىنا, ىشكى ساياساتقا نازار اۋدارىڭىزدار, مەملەكەت ءومىرىنە بەلسەندى قاتىسىڭىزدار», – دەدى سەناتور.