مەملەكەت باسشىسى نۇرسۇلتان نازارباەۆ مەملەكەتتىك قىزمەتتەگى بوس ورىنداردى الىپ تاستاپ, بۇل ورىنداردىڭ قاراجاتىن قىزمەتكەرلەر اراسىندا ءبولىپ بەرۋدى ۇسىندى, - دەپ حابارلايدى Tengrinews.kz.
"قازىر بىزدەگى مەملەكەتتىك قىزمەتتە قانشا بوس ورىننىڭ بارىن كىم بىلەدى؟ 100 مىڭعا تاياۋ, ولاردىڭ 18 مىڭى بوس ورىندار. وسى 18 مىڭدى تۇگەل قىسقارتۋدى ايتىپ وتىرعان جوقپىن. شىن مانىندە سول ورىنداردىڭ ىشىندە پايداسى جوقتارى دا بار شىعار. مۇمكىندىگىنشە قىسقارتىپ, جالاقىنى قالدىرۋ كەرەك. اكىمدەرگە, مينيسترلەرگە جاقسى جۇمىس ىستەيتىن قىزمەتكەرلەردىڭ اراسىندا ۇلەستىرۋگە رۇقسات بەرىلسىن", - دەدى پرەزيدەنت ۇكىمەت وتىرىسىندا.
نازارباەۆتىڭ ايتۋىنشا, بۇل شارا جەمقورلىقپەن كۇرەستە ءساتتى جول بولادى.
بەس ينستيتۋتسيونالدىق رەفورمالاردا مەملەكەتتىك قىزمەتكەرلەردىڭ تابىسىنا ءالى جەتكەن جوقپىز. ءال-اۋقات جاقسارعان سوڭ عانا جالاقىنى كوتەرەمىز. جاقسارتقان سوڭ, جالاقىنى وسىرەمىز. مۇنداعى ماقسات مەملەكەتتىك قىزمەتكەرلەردىڭ جالاقىسىن بيزنەسكە جاقىنداتۋ", - دەدى مەملەكەت باسشىسى.