ۇلتتىق بانك وكىلدەرى "تسەسنابانك" اق-تىڭ "بانك تسەنتركرەديت" اق-پەن ىقتيمال قوسىلۋىنا قاتىستى پىكىر ءبىلدىردى, - دەپ حابارلايدى Tengrinews.kz بانكتىڭ ءباسپاسوز قىزمەتىنە سىلتەمە جاساپ.
"ۇلتتىق بانك "تسەسنابانك" اق, "تسەسنا" قارجى حولدينگى" اق جانە باقىتبەك رىمبەك ۇلى بايسەيىتوۆ ارقىلى ولاردىڭ اكتسيالارىنىڭ ۇلەسىن "بانك تسەنتركرەديت" اق-تىڭ ورنالاستىرىلعان اكتسيالارىنىڭ جالپى سانىنان 41,93 پايىز مولشەرىندە باسىمدىقپەن ساتىپ الۋشىلار رەتىندە KOOKMIN BANK كونسورتسيۋمىن تاڭداۋ تۋرالى "تسەسنابانك" اق-تان رەسمي حابارلاما الدى. ۇلتتىق بانك, تۇتاستاي العاندا, بانك سەكتورىن شوعىرلاندىرۋ جونىندەگى باستامالاردى قولدايدى, ولار بانكتەردى كاپيتالداندىرۋدى ۇلعايتۋعا جانە كليەنتتەرگە قىزمەت كورسەتۋ بويىنشا قولدانىستاعى بيزنەس-پروتسەستەردى جاقسارتۋعا ىقپال ەتەتىن بولادى", - دەلىنگەن حابارلامادا.
سونداي-اق, ۇلتتىق بانكتىڭ بانك بيزنەسىنىڭ تيىمدىلىگىن ارتتىرۋعا باعىتتالعان ىقپالداستىرۋ پروتسەستەرىن تەز ارادا اياقتاۋ جونىندە بانكتەرگە قاجەتتى قولداۋ كورسەتۋگە دايىن ەكەنى ايتىلعان.
"زاڭنامانىڭ تالاپتارىنا سايكەس بۇل مامىلەنى ىسكە اسىرۋ بانكتەردىڭ دەپوزيتورلارىنىڭ, كرەديتورلارىنىڭ, وزگە دە كليەنتتەرىنىڭ جانە قارسى اگەنتتەرىنىڭ حالىقارالىق مىندەتتەمەلەردى قوسا العاندا, شارتتار بويىنشا قۇقىقتارىن جانە زاڭدى مۇددەلەرىن ساقتاعان جاعدايدا عانا مۇمكىن بولادى", - دەلىنگەن حابارلامادا.