ۇكىمەتتىڭ كەڭەيتىلگەن وتىرىسىندا قر پرەزيدەنتى نۇرسۇلتان نازارباەۆ جەكەشەلەندىرۋ ماسەلەسىندە ناقتى تاپسىرمالار جۇكتەدى.
«بارلىعى جارماسىپ, جەكەشەلەندىرۋدى تەجەپ كەلەدى. بارلىعىمىز مەملەكەتتىك ەكونوميكانىڭ ۇلەسى از دەڭگەيدە بولۋى كەرەكتىگىنە كەلىسەتىن سەكىلدىمىز. ءبىز ەكونوميكالىق ىنتىماقتاستىق جانە دامۋ ۇيىمى دەڭگەيى بويىنشا 15 پايىزدى ايقىندادىق. بۇل كورسەتكىشكە بىردەن شىعۋ مۇمكىن ەمەس شىعار, بىراق تا جىل سايىن ءتيىستى مەجەگە جەتۋ كەرەك قوي؟! مەنىڭ تاپسىرمام بويىنشا ۆەدومستۆولىق باعىنىشتى ۇيىمداردى قايتا تۇگەندەۋ جۇرگىزىلدى. ونىڭ ناتيجەسىندە مەملەكەتتىك مەنشىكتە 7 مىڭ ۇيىم مەن كاسىپورىندار جۇمىستارىن جالعاستىرۋدا.
وسى ورايدا كەيبىر مينيسترلىكتەر ۆەدومستۆوعا باعىنىشتى ۇيىمداردى بەرگىسى كەلمەيدى دەگەن پىكىر قالىپتاسۋدا. نە ءۇشىن؟» - دەدى ن.نازارباەۆ. وسى ورايدا پرەزيدەنت ۇكىمەتكە «Yellow pages» قاعيداسىنا سايكەس قالۋى ءتيىس ۇيىمدار مەن كاسىپورىنداردىڭ تولىق ءتىزىمىن دايىنداۋدى تاپسىردى. «ەگەر دە ۇيىم مەملەكەتتىك م ۇلىك قۇرامىندا ساقتالسا, وندا وسى نىسان نە ءۇشىن قالىپ وتىرعانىنا ناقتى تۇسىنىك بەرىڭىزدەر. نەدەن قورقامىز؟ وسى تىزىمگە ەنبەگەندەردىڭ بارلىعىن جەكەشەلەندىرۋ كەرەك نەمەسە 2020 جىلعا دەيىن جويۋ قاجەت. بۇدان بۇرىن بەكىتىلگەن جەكەشەلەندىرۋدىڭ كەشەندى جوسپارىن 2020 جىلدا ەمەس, 2017-2018 جىلدارى جۇزەگە اسىرۋ كەرەك, ياعني ەكى جىل ۋاقىت بەرىلىپ وتىر», - دەپ تۇيىندەدى ءسوزىن مەملەكەت باسشىسى.