استانادا قر دەنساۋلىق ساقتاۋ ءمينيسترى ەلجان ءبىرتانوۆتىڭ باسشىلىعىمەن مەديتسينالىق قىزمەتتەردىڭ ساپاسى بويىنشا بىرىكتىرىلگەن كوميسسيانىڭ وتىرىسىندا دەنساۋلىق ساقتاۋ مينيسترلىگى دارىلەردى ەلەكتروندى تۇردە ساتۋدى ەنگىزۋدى جوسپارلاپ وتىرعاندىعىن ايتتى.
«مەملەكەت باسشىسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا دەنساۋلىق ساقتاۋ سالاسىندا مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ; ءمامس جۇيەسىندە جەكە مەديتسينالىق ۇيىمدارعا تەڭ مۇمكىندىكتەر بەرۋ; دەنساۋلىق ساقتاۋ جۇيەسىن قاجەتتى اقپاراتتاندىرۋمەن قامتاماسىز ەتۋ جانە بارلىق دارىلىك زاتتاردىڭ باعالارىن زاڭدى تۇردە رەتتەۋ بويىنشا ناقتى تاپسىرمالار بەرگەدى», - دەدى ە.ءبىرتانوۆ.
«اتالعان تاپسىرمالاردى ورىنداۋ ماقساتىندا مەملەكەتتىك ورگانداردىڭ, سونىمەن قاتار, قوعامدىق بىرلەستىكتەردىڭ كۇشىن بىرىكتىرۋىمىز قاجەت», - دەدى ەلجان ءبىرتانوۆ.
«ماسەلەن, دارىلىك زاتتاردىڭ باعاسىن رەتتەۋ سالاسىندا دارىلەردى ەلەكتروندى تۇردە رەتسەپتىمەن تاعايىنداۋ ماسەلەلەرىن قاراستىرۋ كەرەك. بۇل پاتسيەنتتەر تاراپىنان بەيرەسمي تولەمدەردىڭ ورىن الماۋى ءۇشىن, سونىمەن قاتار, ازاماتتاردىڭ دەنساۋلىعى مەن ومىرىنە قاۋىپ توندىرەۋگە اكەلەتىن دارىلىك زاتتاردى باقىلاۋسىز قولدانباۋ ماقساتىندا جاسالماق», - دەپ اتاپ ايتتى ول.
«سونىمەن قاتار, ۇەۇ-مەن جۇمىس جانداندىرىلىپ, دەنساۋلىق ساقتاۋ سالاسىن اقپاراتتاندىرۋ ماسەلەلەرىن شەشۋدە جاڭا يننوۆاتسيالىق تاسىلدەردى قولدانۋ بويىنشا كوميسسيانىڭ قىزمەتى كەڭەيتىلەتىن بولادى», - دەدى مينيستر.
كوميسسيا وتىرىسىندا «ماگنيتتىك-رەزونانستىق-توموگرافيالىق-ۇيلەسىمدى كارديوۆەرتەر-دەفيبريلياتور يمپلانتاتسياسى», «ەكسپرەسس دەنساۋلىق» اپپاراتتىق-باعدارلامالىق كەشەنى ارقىلى مەكتەپ وقۋشىلارى دەنساۋلىعىن دياگنوستيكالاۋ» جانە ت.ب. مەديتسينالىق تەحنولوگيالاردى باعالاۋ ناتيجەسى قاراستىرىلدى.
ەستەرىڭىزگە سالا كەتەيىك, «100 ناقتى قادام» ۇلت جوسپارىنىڭ 82 قادامىن ورىنداۋ ماقساتىندا مەديتسينالىق قىزمەتتەردىڭ ساپاسى بويىنشا بىرىكتىرىلگەن كوميسسيا قۇرىلدى. كوميسسيانى قۇرۋداعى نەگىزگى ماقسات - ەمدەۋ حاتتامالارىن, مەديتسينالىق ءبىلىم بەرۋ ستاندارتتارىن جەتىلدىرۋ ارقىلى مەديتسينالىق قىزمەت كورسەتۋدىڭ ۇزدىك ستاندارتتارىن ەنگىزۋ, ءدارى-دارمەكپەن قامتاماسىز ەتۋ, مەديتسينالىق قىزمەتتەردىڭ قولجەتىمدىلىگى مەن ولاردىڭ ساپاسىن باقىلاۋ.