استانادا قر ينۆەستيتسيالار جانە دامۋ مينيسترلىگى, «اتامەكەن» ۇلتتىق كاسىپكەرلەر پالاتاسى جانە جۇيە قۇرۋشى كومپانيالار اراسىندا قازاقستان رەسپۋبليكاسىنىڭ اۋماعىندا وندىرىلەتىن تاۋارلاردىڭ قازاقستاندىق قامتۋ ۇلەسىن ۇلعايتۋدى قولداۋ تۋرالى ۇشجاقتى كەلىسىمگە قول قويىلدى, دەپ جازادى strategy2050.kz.
قر يدم «NADLoC» جەرگىلىكتى قامتۋدى دامىتۋدىڭ ۇلتتىق اگەنتتىگى» اق-دا قازاقستاندا ءىرى كومپانيالاردىڭ تەحنولوگيالىق پروتسەسى ءۇشىن قاجەتتى تاۋارلاردىڭ قاجەتتىگىنە تولىق تالداۋ جۇرگىزىلىپ, وتاندىق تاۋار وندىرۋشىلەردىڭ الەۋەتى زەرتتەلگەنى حابارلاندى.
جۇرگىزىلگەن تالداۋ ناتيجەلەرى بويىنشا «NADLoC» اق ساراپشىلارى 5 سالادا بۇگىنگى كۇنى 387 ملن دوللار سوماسىنا شەتەلدىك وندىرۋشىلەردەن ساتىپ الىناتىن 2 مىڭعا جۋىق تاۋارلار پوزيتسياسىن انىقتادى.
ماماندار يمپورتتى الماستىرۋ ماقساتىندا جاڭا ءونىم تۇرلەرىن ءوندىرۋدى ۇيىمداستىرۋ كەزىندە جوعارىدا كورسەتىلگەن سوما قازاقستان ەكونوميكاسىنا جۇمىس ىستەيتىنىن اتاپ ءوتتى.
«جۇيە قۇرۋشى ءىرى كومپانيالار دا ءوز تاراپىنان شاعىن جانە ورتا بيزنەستى دامىتۋعا قولداۋ كورەتۋگە دايىن. مىسالى, «كازتسينك» جشس, «قازاقمىس كورپوراتسياسى» جشس, «ارسەلورميتتال تەمىرتاۋ» اق, «ەۋرازيالىق توپ» جشس شاعىن جانە ورتا بيزنەستىڭ تاۋار وندىرۋشىلەرىمەن ۇزاق مەرزىمدى ىنتىماقتاستىق جاساۋعا جانە جەرگىلىكتى كاسىپورىنداردان بار تاۋارلاردى ساتىپ الۋعا دايىن», - دەلىنگەن حابارلامادا.
وسى كومپانيالار وتاندىق وندىرۋشىلەردىڭ باسەكەگە قابىلەتتىلىگىن ارتتىرۋعا, جاڭا جۇمىس ورىندارىن اشۋعا, شىعارىلاتىن ءونىم جەلىسىن كەڭەيتۋگە, سونداي-اق ونىڭ ساپاسىن جاقسارتۋعا باعىتتالعان جوعارىدا اتالعان ۇشجاقتى كەلىسىمگە قول قويۋعا قاتىستى.
وسىدان باسقا, مەملەكەت قازاقستاندىق كاسىپورىندارعا جىل سايىن قولداۋ كورسەتەدى. مۇنداي قولداۋ قۇرالدارىنىڭ ءبىرى «ونىمدىلىك - 2020» باعدارلاماسى اياسىندا جالپى تانىلعان حالىقارالىق ستاندارتتار بويىنشا ءوز تاۋارى ساپاسىنىڭ سايكەستىگىن راستاعان بارلىق وتاندىق وندىرۋشىلەر الا الاتىن ساپا مەنەدجمەنتى جۇيەلەرى مەن ءونىمدى سەرتيفيكاتتاۋ بويىنشا شىعىنداردىڭ بولىگىن وتەۋ بولىپ تابىلادى.