باتىس قازاقستاندا مال تەرىسىن وڭدەيتىن بىرەگەي زاۋىت سالىنۋدا, دەپ حابارلادى وبلىس اكىمدىگىنىڭ ءباسپاسوز قىزمەتى.
قولعا الىنعان جوبانىڭ قازىرگى جاعدايىنا كەلەر بولساق, يسپاندىق جانە يتالياندىق قۇرال-جابدىقتار ساتىپ الىنىپ, زاۋىت ىشىندە مونتاج جۇمىستارى جۇرگىزىلۋدە.
قازىر قۇرىلىسىنا 40 جۇمىسشى جۇمىلدىرىلسا, جوبا تولىق جۇزەگە اسقاندا 84 جۇمىس ورىنعا دەيىن جەتپەك. زاۋىت جۇمىسى تولىق كۇشىنە ەنگەندە جىلىنا 182 مىڭ ءىرى قارا, 624 مىڭ ۇساق مالدىڭ تەرىسىن وڭدەيتىن بولادى.
«ەكونوميكانىڭ اگرارلىق سالاسى دامىعان ءبىزدىڭ ءوڭىرىمىز ءۇشىن بۇل – بىرەگەي جوبا. مالشارۋاشىلىعىمەن اينالىساتىن ازاماتتار ءۇشىن قوسىمشا كىرىس كوزى دە بولادى», - دەدى وبلىس اكىمى ا. كولگىنوۆ.