قارجى مينيسترلىگى كاسسالىق اپپارات قولداناتىن شاعىن بيزنەس سۋبەكتىلەرىن تەكسەرىستەن بوساتپاقشى.
«بيزنەسكە قىسىمدى ازايتۋ ماقساتىندا ونلاين ەسكەرتۋىمەن كاسسالىق اپپارات قولداناتىن شاعىن كاسىپكەرلىك وكىلدەرىن تەكسەرىستەن بوساتپاقپىز. وسىلايشا, ەلدە 13 مىڭ تەكسەرىس قىسقارتىلادى. ەلەكتروندى شوت-فاكتۋرانىڭ بارلىق ەسەبىن پايدالاناتىن ەكسپورتتاۋشىلارعا ققس-نى 30 كۇن ىشىندە قايتارىپ بەرەمىز. ءبىر جاعىنان بۇل ققس بويىنشا الايىقتىق جاساۋدىڭ الدىن السا, ەكىنشى جاعىنان شاعىن جانە ورتا كاسىپكەرلەرگە تولەگەن قارجىسىن اۆتوماتتى قايتارۋدى قامتاماسىز ەتەدى", - دەدى قارجى ءمينيسترى باقىت سۇلتانوۆ.
ءمينيستردىڭ ايتۋىنشا, جىل قورىتىندىسى بويىنشا, 110 ملرد تەڭگە ۇنەمدەلىپ, 36 ملرد تەڭگە يگەرىلمەي قالعان. مەملەكەت باسشىسى مينيسترگە قارجىنى بولۋدە ساۋاتتى جۇمىس ىستەۋدى تاپسىردى.
«جىل بويى يگەرىلمەگەن قارجىنى جىل سوڭىندا ەسەپ بەرەر كەزدە ايتەۋىر يگەردى دەگەن اتى ءۇشىن وڭدى-سولدى شاشا باستايدى. ءويتىپ يگەرمەي-اق قويىڭدار», - دەدى پرەزيدەنت مينيسترگە.
مينيستر قارجىنىڭ يگەرىلمەي قالۋىن كەلىسىمشارتتىڭ وزگەرۋىمەن جانە جۇمىس كەستەسىنىڭ قالىپ قويۋىمەن ءتۇسىندىردى.
سۇلتانوۆتىڭ ايتۋىنشا, 2016 جىلى 147 نىسان جەكەشەلەندىرىلگەن. ونىڭ جالپى قۇنى 31 ملرد تەڭگەنى قۇرايدى.