قازاقستان بيىل ءساۋىر ايىندا ەۋروپا ىنتىماقتاستىق جانە دامۋ ۇيىمى (ەىدۇ) ينۆەستيتسيا كوميتەتىنە كىرەدى. بۇل تۋرالى بۇگىن ۇكىمەتتىڭ كەڭەيتىلگەن وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى.
«قازاقستاننىڭ ەىدۇ-مەن ينتەگراتسيا بويىنشا ۇيىمنىڭ ۇسىنىستارىن ەسكەرە وتىرىپ جول كارتاسى ازىرلەنەدى. قازاقستاننىڭ ەىدۇ-نىڭ 13 قۇقىقتىق قۇرالدارىنا قوسىلۋى مەن ۇيىمنىڭ 29 كوميتەتىمەن ىنتىماقتاستىقتى تەرەڭدەتۋ جولعا قويىلدى. ساۋىردە قازاقستان ۇيىمنىڭ ينۆەستيتسيا كوميتەتىنە كىرەدى", - دەدى مينيستر.