2017 جىلى ەكونوميكالىق ءوسىم 2 پايىزعا ارتادى. بۇل تۋرالى بۇگىن ن.نازارباەۆتىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى.
«بولجامدارىمىزعا قاراماستان, وسى جىلدىڭ سوڭىنا دەيىن ەكونوميكانىڭ ءوسۋى كەم دەگەندە 2 پايىزعا ارتادى دەپ ەسەپتەپ وتىرمىز. سالالاردىڭ ىشىندە تاۋ كەن قازۋ ونەركاسىبى 3,6 پايىزعا, ازىق-ت ۇلىك ونىمدەرىن ءوندىرۋ 3,2 پايىزعا, ماشينا جاساۋ 13 پايىزعا ارتۋى ءتيىس. سونىمەن قاتار, قانداي جاعداي بولماسىن اۋىلشارۋاشىلىعى – 2,5 پايىزعا, قۇرىلىس سەكتورى – 2,6 پايىزعا, كولىك جانە لوگيستيكا – 4 پايىزعا وسەدى دەپ جوسپارلاپ وتىرمىز. بۇل كورسەتكىشتەرگە قول جەتكىزۋ ءۇشىن ۇلت جوسپارىن, ءسىزدىڭ جولداۋىڭىزدى, باعدارلامالىق قۇجاتتاردى جۇزەگە اسىرۋ بويىنشا جۇمىستار اتقارامىز», – دەدى تيمۋر سۇلەيمەنوۆ.
«جاقسى بايانداما جاسادىڭ. ىشكى رەزەرۆ, ياعني, ەىدۇ-دا ءبىز پەرسپەكتيۆتى جوسپارلارىمىز بويىنشا بەس پايىزدىق وسىمگە شىعۋ بويىنشا كەلىسكەنبىز. سوندىقتان ەكونوميكانىڭ قاي بولىگى ايتارلىقتاي ءوسىم بەرەدى, سونى ساناۋىڭ كەرەك. ەكونوميكا مينيسترلىگى – ەكونوميكاعا ءوسىم بەرەتىن, مەملەكەتكە, ۇكىمەتكە كرەاتيۆتى يدەيالار, ۇسىنىستار بەرەتىن شتاب. ءتۇسىندىڭ بە؟ سەن جاس ءمينيسترسىڭ, مەنىڭشە ءبىلىمىڭ مەن تاجىريبەڭ جەتەدى», – دەدى ەلباسى.
سونىمەن قاتار نۇرسۇلتان نازارباەۆ كەيبىر وبلىس اكىمدەرىن سىنعا الدى.
"بيىل ءبىز العان رەت جەكە سەرىكتەستىكتىڭ قالاي جۇمىس ىستەيتىنىن بايقاپ كوردىك. بىرەۋلەر جاقسى جۇمىس ىستەيدى, ال كەيبىرەۋلەرى الەۋمەتتىك ماسەلەلەردى شەشۋ ماقساتىندا جەكە ينۆەستيتسيالاردى تارتۋدىڭ امالىن دۇرىس ىزدەمەيدى. كەيبىر وبلىستار مەن وڭىرلەردە مىڭداعان بالاباقشا مەن مەكتەپ سالىنىپ جاتىر, بىراق قالعان وبلىستاردا ەشقانداي جۇمىس ىستەلمەي جاتىر. ولار كورشى وبلىسقا بارىپ, وندا نە بولىپ جاتقانىن كورىپ قايتۋعا ەرىنەدى. ال وزدەرى مەملەكەتتىك ينۆەستيتسياعا عانا سۇيەنىپ, ەشتەڭە ىستەمەيدى", - دەدى نۇرسۇلتان نازارباەۆ قر ۇلتتىق ەكونوميكا ءمينيسترى تيمۋر سۇلەيمەنوۆتىڭ سوزىنە پىكىر بىلدىرە وتىرىپ.