پرەزيدەنت بانكتەردى بىرىكتىرۋ تۋرالى ايتتى

مەملەكەت باسشىسى ۇكىمەتتىڭ كەڭەيتىلگەن وتىرىسىندا ەلدەگى ەكىنشى دەڭگەيلى بانكتەردىڭ بىرىكتىرىلۋى تۋرالى ايتتى. "بانكتەر ءالسىز. سولاي ەمەس پە؟ الەمدە داعدارىس بولعان كەزدە Exxon جانە Mobil سياقتىلار بىرىگىپ كەتتى. Shell مەن British gas بىرىكتى. بىرىكتىرىلسىن. اكتسيونەرلەر وزدەرىنىڭ بانكتەرىن ساقتاعىسى كەلسە, قارجىلارىن سالادى. بانكتەردى قۇتقارۋدىڭ باسقا جولى جوق. ولار ءومىر سۇرە الماسا, ەكونوميكاعا كەرەك ەمەس. باتىل ارەكەت ەت, ەشكىمنەن قورىقپا", - دەدى ەلباسى ۇلتتىق بانك توراعاسىنا. "ەگەر كەدەرگى كەلتىرەتىن بولسا, ماعان فاميلياسىن ايت", - دەدى ەلباسى. كەڭەيتىلگەن وتىرىستا ەلباسى ۇلتتىق بانكتىڭ توراعاسى دانيار اقىشەۆتى تولىقتاي قولدايتىنىن ءبىلدىردى. «كورىپ وتىرمىن, ۇلتتىق بانك تارتىپكە كەلتىرگەن سايىن ۇلتتىق بانكتىڭ توراعاسى شابۋىل كۇشەيىپ جاتىر. مۇنى وسى زالدا وتىرعان اكتسيونەرلەر مەن دەمەۋشىلەر جاساۋدا» دەدى نۇرسۇلتان نازارباەۆ. ول رەتكە كەلتىرۋگە كەدەرگى جاساۋشىلارعا شارا قولدانىلاتىنىن ايتتى.