پاريج قالاسىنا جاقىن نۋازي-لە-گران كوممۋناسىندا جويقىن جارىلىس بولدى. بۇل تۋرالى lenta.ru حابارلادى.
Le Parisien باسىلىمىنىڭ مالىمەتى بويىنشا وقىس وقيعا جەرگىلىكتى ۋاقىت بويىنشا ساعات 22:30 (03:30 است.) شاماسىندا بولعان. پاۆيلون اۋماعىندا الدىمەن ءبىر گاز بالونى, ارتىنشا بىرنەشەۋى جارىلعان. وسىدان كەيىن بۇل ورىن تولىعىمەن قىزىل جالىنعا ورانعان. قۇتقارۋشىلار دەنەسىن كۇيىك شالعان 45 جاستاعى ەر ادامدى الىپ شىققان.
Mirror باسىلىمى بەس ادامنىڭ جاراقات العانىن, ءبىر ادامنىڭ اۋىر جاعدايدا اۋرۋحاناعا جەتكىزىلگەنىن جازدى. ءورت ءسوندىرۋ قىزمەتىنىڭ باسشىسى گيوم فرەسس (Guillaume Fresse) قوس جارىلىستان كەيىن ۇيلەردىڭ ءبىرى وتقا ورانعانىن مالىمدەدى. الدىن الا مالىمەتتەر بويىنشا ءتورت ادام قازا تاپتى. قىزىل جالىندى ءسوندىرۋ ءۇشىن 30-عا جۋىق قىزمەتكەر جۇمىلدىرىلعان.
سونىمەن قاتار, 30 قاڭتار كۇنى فرانتسيا استاناسىنىڭ سىرت جاعىندا حوش يىستەندىرگىش قاعاز شىعاراتىن فابريكا ورتەنگەن. سالدارىنان التى ادام زارداپ شەكتى.