اعىمداعى جىلى قىزىلوردا وبلىسىندا 500-دەن كەم ەمەس ءۇي شارۋاشىلىقتارىنان بىرىكتىرىلگەن 16 كووپەراتيۆ قۇرىلماق.
مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن جۇزەگە اسىرۋعا ارنالعان يدەولوگيالىق اكتيۆ جيىنىندا قىزىلوردا وبلىسىنىڭ اكىمى قىرىمبەك كوشەرباەۆ وسىنداي مىندەت جۇكتەدى.
-اۋىل شارۋاشىلىعى وندىرىستىك كووپەراتيۆتەرىن قۇرۋ بويىنشا جۇمىستى بەلسەندەتۋ قاجەت. بۇگىنگى كۇندە ءسۇت پەن ەت ءوندىرىسىنىڭ 85 پايىزدان استامى جەكە قوسالقى شارۋاشىلىقتار ۇلەسىندە. بۇل جەكە قوسالقى شارۋاشىلىقتارعا تارتىلعان ادامي رەسۋرستار ءۇشىن, سونىمەن قاتار اۋىل شارۋاشىلىعى ءوندىرىسىن كەڭەيتۋدە وراسان زور الەۋەت بولىپ تابىلادى. سونىمەن قاتار, اۋىل تۇرعىندارىن تۇراقتى تابىس كوزىمەن قامتۋ ماسەلەسىن شەشۋگە مۇمكىندىك بەرەدى,-دەدى وبلىس اكىمى.
بۇل بۇگىنگى تاڭدا بارلىق دەڭگەيدەگى اكىمدەر الدىنداعى ەڭ ماڭىزدى مىندەت. ۇيلەستىرۋ ماسەلەسى وبلىس اكىمىنىڭ ورىنباسارى سەرىك قوجانيازوۆقا جۇكتەلدى.