قارا التىننىڭ الەم بويىنشا ەڭ ءىرى ەكسپورتتاۋشىسى ساۋد ارابياسى ناۋرىز ايىندا مۇنايدىڭ بارلىق تۇرىنە باعانى كوتەرەدى, دەپ حابارلايدى investing Saudi Aramco كومپانياسىنىڭ ءباسپاسوز قىزمەتىنە سىلتەمە جاساپ.
ەڭ كوپ قىمباتتايتىن Arab Extra Light ماركاسىنىڭ تۇتىنۋشىلارى سانالاتىن سولتۇستىك-باتىس ەۋروپا ەلدەرى ناۋرىزدان باستاپ باررەلىنە $1,35 ارتىق تولەمەك. ناتيجەسىندە, الداعى ايدا بۇل ماركانىڭ باعاسى برەنتتەن $1,55 ارزان بولادى.
ساۋديانىڭ سولتۇستىك-باتىس ەۋروپا ەلدەرىنە ساتاتىن باسقا دا مۇناي ماركالارى $1,15-1,25 قىمباتتاسا, جەرورتا تەڭىزى ەلدەرى ءۇشىن وندىرىلەتىن قارا التىن قۇنى $1 قىمباتتايدى. تەك Arab Extra Light ماركاسىنىڭ عانا باعاسى $1,25 كوتەرىلمەك.
ازيا ەلدەرى ءۇشىن ساۋديا مۇنايى باررەلىنە $0,2-1 ارالىعىندا, ال امەريكالىق تۇتىنۋشىلار ءۇشىن $0,15-0,3 ارالىعىندا قىمباتتاماق.