«نۇر وتان» حدپ اقتوبە وبلىستىق فيليالى «جاس وتان» جاستار قاناتىنىڭ ۇيىمداستىرۋىمەن «بالالاردى مەكتەپكە جينايمىز» اتتى قايىرىمدىلىق اكتسياسى وتكىزىلدى. اكتسيا بارىسىندا از قامتىلعان ءتورت وتباسىنداعى سەگىز بالانىڭ ارقايسىسىنا 15 مىڭ تەڭگەنىڭ مەكتەپكە قاجەتتى قۇرال-جابدىقتارى جانە كيىم-كەشەكتەرى تاپسىرىلدى. التى بالانىڭ اناسى اينۇر ەركىنوۆانىڭ ءتورت بالاسى وسىنداي قايىرىمدىلىق قامقورلىعىنا يە بولدى. مۇنداي جاقسىلىق زىليحا ورازباەۆانىڭ ءتورت بالاسىنا دا جاسالدى. الداعى وقۋ جىلىنا سۋ جاڭا كوستيۋممەن جانە قاجەتتى قۇرال-جابدىقتارمەن باراتىن يسلام اقبەردەنوۆ پەن گۇلسىم ەرماعامبەتوۆانىڭ قۋانىشىندا دا شەك جوق. مۇنداي قايىرىمدىلىق اكتسياسىنا قالاداعى «كەڭەس» ساۋدا ءۇيى مەن «انۆار» جشس دەمەۋشىلىك جاسادى. «جولداسىم اۋرۋ, وتباسىمىزدا ءۇش بالا ءوسىرىپ وتىرمىز. جاعدايىمىزدى ءتۇسىنىپ, قايىرىمدىلىق جاساعان نۇروتاندىق جاستارعا ريزامىن», دەيدى يسلامنىڭ اناسى گۇلزيرا قالماشەۆا.
ساتىبالدى ءساۋىرباي, اقتوبە وبلىسى.