كەشە مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنىڭ بايلانىس جانە اقپارات ءمينيسترى اسقار جۇماعاليەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ا.جۇماعاليەۆ مەملەكەت باسشىسىنا اقپاراتتىق-كوممۋنيكاتسيالىق تەحنولوگيا سالاسىنىڭ نەگىزگى ماقساتتى ينديكاتورلارىنىڭ جەتىستىكتەرى بويىنشا مينيسترلىكتىڭ جۇمىس ناتيجەلەرى, ساندىق تەلەۆيزياعا كوشۋ جونىندەگى ءىس-شارالاردى ىسكە اسىرۋ جانە «تەلەراديو حابارلارىن تاراتۋ تۋرالى» زاڭ جوباسىن العا جىلجىتۋ بارىسى تۋرالى حاباردار ەتتى, سونداي-اق ەلىمىزدە كەڭ جولاقتى ينتەرنەتكە قولجەتىمدىلىكتى دامىتۋ جونىندەگى تاپسىرمانىڭ ورىندالۋى, حالىققا قىزمەت كورسەتۋ ورتالىقتارىنىڭ قىزمەتىن جاڭعىرتۋ جانە مەملەكەتتىك قىزمەت كورسەتۋدى وڭتايلاندىرۋ تۋرالى باياندادى.