وڭتۇستىك قازاقستان وبلىسىنىڭ اكىمى جانسەيىت تۇيمەباەۆتىڭ توراعالىعىمەن 28-ءشى بۇكىلالەمدىك قىسقى ۋنيۆەرسياداسىنىڭ شىمكەنتتە جاعىلاتىن «الاۋ ەستافەتاسىن» ۇيىمداستىرۋ جانە وتكىزۋ بويىنشا وڭىرلىك شتابتىڭ ءماجىلىسى ءوتتى.
اتالعان شارانىڭ دايىندىق بارىسىن دەنە شىنىقتىرۋ جانە سپورت باسقارماسىنىڭ باسشىسى الىبەك نۇرتاەۆ باياندادى. ونىڭ ايتۋىنشا, حالىقارالىق ستۋدەنتتىك سپورت فەدەراتسياسىنىڭ (FISU) اياسىندا وتكىزىلەتىن سپورتتىق سايىسقا 17-28 جاس ارالىعىنداعى ستۋدەنتتەر, ماگيسترانتتار مەن تۇلەكتەر جىبەرىلەدى. 2017 جىلدىڭ 29 قاڭتار مەن 8 اقپان كۇندەرى ارالىعىندا وتەتىن 28-ءشى دۇنيەجۇزىلىك الماتى-2017 قىسقى ۋنيۆەرسياداسىنا 2000 سپورتشى, 3000 ەرىكتى, 30 مىڭ شەتەلدىك قوناقتار مەن تۋريستەر قاتىسادى دەپ كۇتىلۋدە.
باقتيار تايجان,
«ەگەمەن قازاقستان»