29 جەلتوقساندا قوستانايلىق «توبىل» فۋتبول كلۋبى باعانى تومەندەتۋ بويىنشا جۇرگىزىلگەن ەلەكتروندى ساۋدا ارقىلى ساتىلدى, دەپ حابارلادى قوستاناي وبلىستىق قارجى باسقارماسى.
جەكەشەلەندىرۋ جانە جەكەشەلەندىرۋدى باقىلاۋ ءبولىمىنىڭ باسشىسى ليۋبوۆ كازورينانىڭ ايتۋىنشا, باستاپقى قۇنى 95 ميلليون 915 مىڭ تەڭگە بولعان «توبىل» فك مەملەكەتتىك ۇلەسى 23 ميلليون 978 مىڭ تەڭگەگە ساتىلدى. ساتىپ الۋشى تابىلماعاندىقتان العاشقى ساۋدالار ءساتسىز اياقتالدى. جاڭا ساتىپ الۋشىنىڭ اتى-ءجونى ازىرگە حابارلانبادى. ونىڭ قازاقستان رەزيدەنتى ەكەنى عانا بەلگىلى.