2017 جىلدان باستاپ قۇقىق قورعاۋ ورگاندارى قىزمەتكەرلەرىنىڭ كۇزەتتە ءجۇرۋ كەزىندەگى جاڭا ەرەجەلەرى ەنگىزىلەدى. بۇل تۋرالى ورتالىق كوممۋنيكاتسيالار قىزمەتىندە وتكەن باسپاسوز كونفەرەنتسياسىندا ىشكى ىستەر مينيسترلىگى اكىمشىلىك پوليتسيا كوميتەتى توراعاسىنىڭ ءبىرىنشى ورىنباسارى الىبەك كەڭەسباەۆ ءمالىم ەتتى.
ونىڭ ايتۋىنشا, ىشكى ىستەر مينيسترلىگى ىشكى ىستەر ورگاندارىنىڭ جول ءجۇرىسىن قاداعالاۋ كەزىندە اۆتوپاترۋلدەۋ ادىسىنە تولىقتاي كوشۋىنە, سونداي-اق جالپى جول ءجۇرىسى قاعيدالارى بۇزۋشىلىقتارىنىڭ ۇشتەن ءبىرىن انىقتاۋعا مۇمكىندىك بەرەتىن فوتو جانە بەينەتىركەۋدىڭ بارلىق جەرلەردە ەنگىزىلۋىنە بايلانىستى 2017 جىلدىڭ 1 قاڭتارىنان باستاپ پوليتسيا قىزمەتكەرلەرىنىڭ تاياقشالاردى قولدانبايتىنى تۋرالى شەشىم قابىلدادى.
«كولىك قۇرالدارىن توقتاتۋ پاترۋلدىك اۆتوكولىكتە ورنالاستىرىلعان ارنايى دىبىس جانە جارىق سيگنالدارى, داۋىس زورايتقىش جابدىقتار ارقىلى جۇزەگە اسىرىلاتىن بولادى. كەي جاعدايلاردا (جكو, تج, كەپتەلىس جاعدايلارىندا) كولىك قۇرالدارى كول قيمىلىمەن جانە بىر مەزگىلدە ىسقىرۋ ارقىلى توقتاتىلاتىن بولادى», – دەپ اتاپ ءوتتى ءا. كەڭەسباەۆ.
ايتا كەتەيىك, جاڭا ەرەجەلەر اقش, باتىس ەۋروپا ەلدەرى جانە وزگە دا شەت مەملەكەتتەردىڭ وزىق تاجىريبەلەرىن ەسكەرە وتىرىپ ەنگىزىلگەن.
ايدار ورىسباەۆ, "ەگەمەن قازاقستان"