كەشە مەملەكەت باسشىسى نۇرسۇلتان نازارباەۆ قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ توراعاسى قايرات قوجامجاروۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ق.قوجامجاروۆ مەملەكەت باسشىسىنا ەلىمىز پرەزيدەنتىنىڭ باقىلاۋىندا تۇرعان, سونىڭ ىشىندە قازاقستان رەسپۋبليكاسى جوعارعى سوتىنىڭ بۇرىنعى سۋديالارىنا, «قورعاس» پەن «قالجات» كەدەن بەكەتتەرىندەگى كونتراباندالىق فاكتىلەرى بويىنشا ۇقت-نىڭ مۇشەلەرىنە قاتىستى بىرقاتار قىلمىستىق ىستەردىڭ تەرگەلۋ بارىسى جانە باسقالارى تۋرالى بايانداپ بەردى.
بۇدان باسقا, قارجى پوليتسياسى ورگانىنىڭ اعىمداعى جىلدىڭ 8 ايىنىڭ ىشىندەگى «كولەڭكەلى» ەكونوميكا مەن سىبايلاس جەمقورلىققا قارسى ءىس-قيمىلدارى بويىنشا جەدەل-قىزمەت جۇمىسىنىڭ ناتيجەلەرى باياندالدى. اتالعان كەزەڭدە 5,5 مىڭنان استام سىبايلاس جەمقورلىق جانە ەكونوميكالىق قىلمىس اشىلعان. 5 مىڭعا جۋىق قىلمىستىق ءىس سوتقا جولدانعان. مەملەكەت پەن ازاماتتارعا كەلتىرىلگەن سوماسى 113 ملرد. تەڭگە كولەمىندە زيان وتەلدى.
* * *
كەشە مەملەكەت باسشىسى نۇرسۇلتان نازارباەۆ الماتى وبلىسىنىڭ اكىمى انزار مۇساحانوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ا.مۇساحانوۆ پرەزيدەنتتى وبلىستىڭ الەۋمەتتىك-ەكونوميكالىق دامۋى مەن مەملەكەت باسشىسىنىڭ تاپسىرمالارىنىڭ ورىندالۋ بارىسى تۋرالى حاباردار ەتتى.