وڭتۇستىك قازاقستان وبلىسىندا وسى جىلدىڭ 11 ايىندا ونەركاسىپ كاسىپورىندارىمەن 710,6 ملرد. تەڭگەنىڭ ءونىمى ءوندىرىلدى, دەپ حابارلادى وقو اكىمىنىڭ ءباسپاسوز قىزمەتى.
بۇل وتكەن جىلدىڭ وسى كەزەڭىمەن سالىستىرعاندا 113,8 ملرد. تەڭگەگە ارتىق. وسى كورسەتكىشپەن وبلىس رەسپۋبليكا بويىنشا 4-ورىندى يەلەنىپ وتىر.
وندىرىلگەن ونىمدەردىڭ ىشىندە كەن ءوندىرۋ 208,3 ملرد. تەڭگەنىڭ, وڭدەۋ ونەركاسىبىندە 437,8 ملرد. تەڭگەنىڭ ءونىمى وندىرىلسە, ەلەكترمەن جابدىقتاۋ, گاز, بۋ بەرۋ جانە اۋا باپتاۋ سالاسىندا 52,7 ملرد. تەڭگەنىڭ, ال سۋمەن جابدىقتاۋ بويىنشا 11,8 ملرد. تەڭگەنىڭ ءونىمى ءوندىرىلدى.
سونىمەن قاتار, وڭىردە يندۋستريالاندىرۋ كارتا اياسىندا جالپى قۇنى 227,9 ملرد. تەڭگە بولاتىن 150 جوبا ىسكە قوسىلدى. ناتيجەسىندە 13,2 مىڭ جاڭا جۇمىس ورنى اشىلدى. ال 2016 جىلدىڭ 11 ايىنىڭ قورىتىندىسى بويىنشا يندۋستريالاندىرۋ كارتاسىنداعى جوبالارمەن 99,5 ملرد. تەڭگەنىڭ ءونىمى شىعارىلسا, ونەركاسىپتىڭ 90 پايىزدان استامى جوبالىق قۋاتتىلىقتى يگەرگەن.
سونداي-اق, 2010-2016 جىلدارى يندۋستريالاندىرۋ كارتاسى اياسىندا ىسكە قوسىلعان جوبالارمەن 280 ملرد.تەڭگەدەن استام ءونىم شىعارىلعان.
ءوڭىردىڭ ينۆەستيتسيالىق تارتىمدىلىعىن ارتتىرۋ, شاعىن جانە ورتا بيزنەستىڭ دامۋىنا قولايلى جاعداي جاساۋ ماقساتىندا وبلىستىڭ بارلىق اۋدان, قالالارىندا 11 يندۋستريالدى ايماق قۇرىلۋدا.
ناتيجەلى جۇمىستىڭ ارقاسىندا 2010 جىلى ەلىمىزدە ەڭ العاشقى بولىپ قۇرىلعان «وڭتۇستىك» يندۋستريالدى ايماعىنداعى كاسىپورىندار مەملەكەتتىك تابىس سالىعىنا 5,3 ملرد. تەڭگە كولەمىندە قارجى تۇسىرگەن.
وسىلايشا, «وڭتۇستىك» يندۋستريالىق ايماق كاسىپورىندارىنىڭ سالىق تۇسىمدەرىنىڭ ەسەبىنەن 77,9% بيۋدجەت قاراجاتىنىڭ ورنى تولتىرىلدى.