ارگەنتينالىق كارلوس تەۆەس قىتايلىق «شانحاي شەنحۋا» فۋتبول كومانداسىنا رەسمي اۋىستى. باق دەرەكتەرىنە سايكەس ول عالامشاردا جالاقىسى ەڭ جوعارى فۋتبولشى اتانىپ وتىر. تاراپتار اراسىنداعى ۋاعدالاستىق تۋرالى حابارلاما قىتايلىق كلۋبتىڭ رەسمي سايتىندا پايدا بولدى, دەيدى قازاقپارات.
«شانحاي شەنحۋا» كومانداسىنا شابۋىلشى ارگەنتينالىق «بوكا حۋنيورستان» اۋىستى. Daily Mail حابارلاعانداي, قىتايدا تەۆەس اپتاسىنا £615 مىڭ تابادى, بۇل «رەالدان» £365 العان الدىڭعى رەكوردشى كريشتيانۋ رونالدۋدىڭ تابىسىنان ەكى ەسەگە كوپ. 2016 جىلى قىتاي چەمپيوناتىندا «شانحاي» ءتورتىنشى ورىن يەلەندى. كوماندا قۇرامىندا سەنەگالدىق دەمبا با, نيگەريالىق وبافەمي مارتينس پەن كولۋمبيالىق فرەددي گۋارين بار.