ساراپتامالىق كەڭەس قۇرىلدى

2011 جىلعى 1 قىركۇيەكتەن باستاپ مەملەكەتتىك قىزمەت ىستەرى جونىندەگى اگەنتتىكتىڭ توراعاسى ءاليحان بايمەنوۆتىڭ مەملەكەتتىك قىزمەت ىستەرى جونىندەگى اگەنتتىك جانىنان مەملەكەتتىك قىزمەتتى جەتىلدىرۋ ماسەلەلەرى جونىندەگى ساراپتامالىق كەڭەس قۇرۋ تۋرالى بۇيرىعى كۇشىنە ەندى. بۇل كەڭەس مەملەكەتتىك قىز­مەتتىڭ جاڭا مودەلىنىڭ تۇجى­رىم­داماسىن ىسكە اسىرۋ شەڭبەرىندە اگەنتتىكتىڭ جانە قازاقستان پرەزيدەنتى جانىن­داعى مەملەكەتتىك باسقارۋ اكاد­ە­ميا­سىنىڭ قىزمە­تىن عىلىمي جانە تال­دامالىق سۇيە­مەلدەۋ ءۇشىن قۇرىلعان. سا­راپ­تامالىق كەڭەس اگەنتتىك جا­نىن­داعى كونسۋلتا­تسيا­لىق كەڭەس­شى ورگان بولىپ تابىلادى جانە ءوز قىزمەتىن قوعامدىق باستاما نەگىزىندە جۇزەگە اسىرادى. كە­ڭەس­تىڭ قۇ­رامى مەملەكەتتىك قىزمەت سا­لا­سىنداعى زەرتتەۋ جۇمىس­تارىمەن اينالىساتىن مەملەكەتتىك ورگاندار وكىلدەرى مەن عى­لى­مي-زەرتتەۋ جانە وزگە دە ۇيىمدار ساراپشىلارىنان جاساقتالادى. «ەگەمەن-اقپارات».