اپتا نازارى – ازيادا

ەلىمىزدىڭ سىرتقى ساياساتىندا الداعى اپتادا بولاتىن شارا­لار­­دى ءداستۇرلى بريفينگتە جۋرناليستەرگە تانىستىرعان سىرتقى ىستەر مينيسترلىگىنىڭ رەسمي وكىلى اسقار ابدراحمانوۆ وسى ايدىڭ 6-سى جانە 7-ءسى كۇندەرى پاكستان يسلام رەسپۋبليكاسىنىڭ پرەمەر-ءمينيسترى سايەد يۋسۋف رەزا گيلانيدىڭ قازاقستانعا رەسمي ساپارى بولاتىنىن حابارلادى. استانادا وتەتىن كەزدەسۋلەر با­رىسىندا مارتەبەلى قوناق قا­زاقستان باسشىلىعىمەن بىرقاتار كەلىسسوزدەر وتكىزەدى دەپ كۇتىلۋدە. پاكستان ۇكىمەتى باسشىسىنىڭ رەس­مي ساپارى ەكىجاقتى ساياسي ءۇن­قاتىسۋدىڭ جالعاسۋىنا, ساۋدا-ەكونوميكالىق, گۋمانيتارلىق قاتى­ناس­تاردىڭ دامۋىنا جانە بۇگىنگى كۇنگى ەكى­جاقتى جانە كوپ­جاقتى ماڭىزدى ماسە­لەلەر بوي­ىن­شا ۇستانىمداردى سايكەس­تەن­دى­رۋگە مۇمكىندىك بەرەدى, دەگەن رەس­مي وكىل 7-9 قىركۇيەك ارا­لى­عىندا سىرتقى ىستەر ءمينيسترى ەرجان قازى­حانوۆتىڭ قىتاي حالىق رەسپۋب­لي­كا­سىنا رەسمي ساپارى وتەتىندىگىن دە جەتكىزدى. ساپار با­رىسىندا وتاندىق سىرت­قى ساياسات ۆەدومستۆوسىنىڭ باس­شىسى قى­تاي­لىق ارىپتەسى يان تسزەچيمەن جانە قى­تاي باسشىلارى دەڭگەيىندەگى جە­كە كەزدەسۋلەر وتكىزەدى دەپ كۇتىلۋدە. سونداي-اق ا.ابدراحمانوۆ 9 قىر­كۇيەك­تە استانادا «قازاق­ستان­داعى سايلاۋ ۇدەرىسى: حالىق­ارالىق سايلاۋ ستان­دارت­تارى مەن ەقىۇ مىندەتتە­مە­لە­رى­نىڭ تۇرعى­سى­نان شاقىرۋلار مەن پەرسپەكتيۆالار» اتتى دوڭگەلەك ۇستەل ءوت­كىزىلەتىنىن, وندا دەموكراتيالىق سايلاۋ وتكىزۋ قاعيداتتارى مەن شارتتارى جانە سايلاۋ ۇدەرىسىن جەتىلدىرۋ ماسەلەلەرى تالقىلانا­تىنىن ايتتى. 5 قىركۇيەك كۇنى قازاقستان رەس­پۋبليكاسى سىرتقى ىستەر مي­نيسترىنىڭ ورىنباسارى قايرات سارىباي ليۆيا­نىڭ قازاق­ستان­دا­عى ۋاقىتشا سەنىمدى وكىلى احمەد ءاد-ءديبتى قابىلداعانىن جۋرناليستەر نازارىنا سالىپ, ونىڭ با­رىسىندا ليۆياداعى جاعدايدىڭ ءوربۋى جانە وتپەلى ۇلتتىق كە­ڭەس­تىڭ احۋالدى تۇراقتاندىرۋ بوي­ىن­شا ىسكە اسىرىپ جاتقان شارا­لا­رى اڭگىمە ەتىلگەنىن جەتكىزدى. وسى كەزدەسۋدە قايرات سارىباي قازاقستان رەسپۋبليكاسىنىڭ لي­ۆيا­داعى وتپەلى ۇلتتىق كەڭەستى ءىس باسىنداعى بيلىك رەتىندە مويىن­دايتىنىن مالىمدەگەن. جانە قا­زاقستاننىڭ يىۇ سىرتقى ىستەر مينيسترلەرى كەڭەسىنىڭ توراعاسى رەتىندە وسى ۇيىمنىڭ قولدا بار رەسۋرستارىن لي­ۆياداعى احۋالدى تەز ارادا رەتتەۋگە جانە گۋماني­تار­لىق داعدارىستى ەڭسەرۋگە جۇمىل­دى­رۋعا دايىن ەكەنىن جەتكىزگەن. انار تولەۋحانقىزى.