2017 جىلدىڭ 1 قاڭتارىنان باستاپ قازاقستاندىق پوليتسەيلەر ارنايى تاياقشانى قولدانبايدى, - دەپ حابارلايدى Tengrinews.kz.
قر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋباەۆتىڭ ايتۋىنشا, ەندىگى كەزەكتە پوليتسەيلەر كولىكتەردىڭ قول كوتەرۋمەن توقتاتادى.
"كولىكتى توقتاتۋ ءۇشىن قولىن كوتەرىپ, "توقتا" دەگەن بەلگى بەرەدى جانە سونىمەن بىرگە ىسقىرىقتى دا پايدالانادى نەمەسە ارنايى دىبىس كۇشەيتكىش جانە جارىق بەرەتىن قۇرالداردى دا قولدانا الادى, سونداي-اق اۆتوپاترۋلمەن دە توقتاتادى", - دەدى سادۋباەۆ.
"قر ءىىم قۇقىق قورعاۋ ورگاندارىن مودەرنيزاتسيالاۋ بارىسىندا الەمدىك جول ءجۇرۋ قاۋىپسىزدىگىن ساقتاۋداعى تاجىريبيەنى قولدانىسقا الىنعان. ەۋروپادا ەۋروپالىق ەلدەردە ارنايى تاياقشا مۇلدەم قولدانىلمايدى.
جول ەرەجەسىن بۇزعانداردى انىقتاۋ ءۇشىن بەينەكامەرالار, سونىمەن بىرگە ىشكى ىستەر ورگاندارىنىڭ بەينە تىركەۋىشتەرى قولدانىلادى", - دەپ ءتۇسىندىردى ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋباەۆ.