بۇگىن استانا ۋاقىتىمەن تاڭعى 09:00 شاماسىندا لوندون ICE قور بيرجاسىندا قارا التىن قۇنى 56,95 دوللارعا دەيىن جەتتى.
جالپى, جەلتوقساننىڭ 22-نەن بەرى مۇناي باعاسىندا تۇراقتى ءوسىم بار. 22 جەلتوقسان كۇنى برەنت ماركاسىنىڭ باعاسى 54,50 دوللار اينالاسىندا بولسا, ءبىر اپتا ىشىندە قارا التىن 2,50 دوللارعا دەيىن قىمباتتادى. بۇل كورسەتكىش ءبىر جارىم جىل بۇرىنعى ماكسيمۋمعا جاقىن ەكەنى ايتىلادى.
شيكىزات باعاسىنىڭ بۇلايشا قارقىندى كوتەرىلۋىنە سەبەپ بولعان فاكتور - وپەك+ (ۇيىمعا مۇشە جانە وعان كىرمەيتىن مۇناي ەكسپورتتاۋشى مەملەكەتتەر) كەلىسىمىنىڭ ىسكە اسىرىلۋىنا ساناۋلى عانا كۇندەردىڭ قالۋى.
ەستەرىڭىزگە سالا كەتەيىك, وتكەن ايدىڭ سوڭىندا وپەك+ ەلدەرى 2017 جىلدىڭ 1 قاڭتارىنان باستاپ تاۋلىگىنە مۇناي ءوندىرىسىن 1,8 ملن باررەلگە ازايتۋعا كەلىسكەن ەدى.