قىزىلوردا وبلىسىندا بۇگىنگى كۇنى 889 ۇكىمەتتىك ەمەس ۇيىم تىركەلگەن, ونىڭ تەك 409-ى تۇراقتى جۇمىس ىستەپ كەلەدى. بۇل تۋرالى ارنايى ۇيىمداستىرىلعان ءباسپاسوز كونفەرەنتسياسىندا قىزىلوردا وبلىسىنىڭ ازاماتتىق اليانسى قاۋىمداستىعىنىڭ جەتەكشىسى اقتولقىن سۋنگۋر حابارلادى.
«2016 جىلدىڭ 1 تامىزىنان باستاپ, ازاماتتىق اليانس وبلىستىق ىشكى ساياسات باسقارماسى تاپسىرىسىنا وراي «سوتسيۋم», «اقپاراتتىق-رەسۋرستىق ورتالىق» جانە بايقوڭىر قالاسى, تورەتام, اقاي ەلدى مەكەندەرى بويىنشا ۇەۇ-لاردى دامىتۋعا باعىتتالعان رەسۋرستىق ورتالىق جۇمىسىن ۇيىمداستىرۋ جوبالارىن جۇزەگە اسىرىپ كەلەدى. بۇل ۇكىمەتتىك ەمەس ۇيىمدار جۇمىسىن جانداندىرۋعا ەرەكشە سەرپىن بەردى. جوبا اياسىندا 60-تان استام ۇەۇ قاۋىمداستىقپەن بىرلەسە وتىرىپ, 100-دەن استام شارا وتكىزدى»,- دەيدى اقتولقىن سۋنگۋر.
جالپى بيىل قىزىلوردا وبلىسىندا ۇەۇ وكىلدەرى 811 ملن. تەڭگەنىڭ جوبالارىن جۇزەگە اسىردى. جۋىردا استانا قالاسىندا وتكەن VII ازاماتتىق فورۋمدا ۇكىمەتتىك ەمەس ۇيىمداردىڭ جۇمىسىن ايقىنداۋ مەن جۇيەلەۋ شارالارى تالقىلاندى. وندا ورتاق ماسەلەلەر ايتىلىپ, مەملەكەت پەن ۇەۇ-نىڭ قارىم-قاتىناسىنىڭ جاڭا باعىتتارى بەلگىلەندى.