ۆەناداعى قازاقستان فوتوكورمەسى

1 قىركۇيەكتە ۆەنادا ديپلو­ما­تيالىق كورپۋستىڭ كەڭىنەن قا­تىسۋىمەن سەمەي يادرولىق سىناق پوليگونى جابىلۋىنىڭ 20 جىل­دى­عىنا ارنالعان فوتوكورمە اشى­ل­دى. ەكسپوزيتسيا پولي­گون­نىڭ تاريحى, «نەۆادا-سەمەي» ان­تي­يادرولىق قوزعا­لى­سى جانە تاۋ­ەلسىز قازاق­ستاننىڭ جا­ھاندىق يادرولىق قارۋسىز­دا­نۋ مەن تاراتپاۋ سالا­سىن­داعى ۇلەسى جايىندا بايان­دايتىن فوتوسۋرەتتەر, قۇ­­جات­تار جانە سحەما تۇ­رىن­دەگى ماتەريالداردان قۇ­رالعان. فوتوكورمە ەقىۇ شتاب-پا­تەرى ورنالاسقان حوفبۋرگ سارايى زالدارىنىڭ بىرىندە ورنالاسقان. كورمە كەلۋشىلەرىنە سەمەي ەكو­لوگيالىق اپاتىنىڭ اۋقىمى مەن پوليگون تاعدىرىنداعى 29 تامىز كۇنىنىڭ ماڭىزدىلىعى تۋ­رالى ايتىلدى. 1949 جىل­دىڭ ءدال سول كۇنى العاشقى اتوم جارىلىسى جاسالدى, ال 42 جىل وتكەن سوڭ, 1991 جىلى قازاقستان رەسپۋب­لي­كاسىنىڭ پرەزيدەنتى نۇر­سۇل­تان نازارباەۆ سەمەي پو­ليگونىن جابۋ تۋرالى جار­لىققا قول قويدى. سوڭىندا بۇۇ باس اسسامبلەياسى 29 تامىزدى يادرولىق سىناق­تار­عا قارسى ءىس-قيمىلدىڭ حا­لىق­­ارالىق كۇنى دەپ جا­ريالادى. فوتوكورمە 8 قىركۇيەككە دەيىن جالعاسادى. بۇل كور­مەنى كەيىن بۇۇ-نىڭ ۆەنا­داعى شتاب-پاتە­رىنە قويىپ, ونى قازان ايىندا استانا, سەمەي جانە كۋرچاتوۆ قا­لا­لارىندا وتەتىن «يادروسىز الەم ءۇشىن» حالىقارالىق كونفە­رەنتسياسىنا ورايلاس­تىرۋ جوسپارلانۋدا. تالعات جۇماعۇلوۆ, «ەگەمەن قازاقستان» – ۆەنادان.