جاقىندا ەلورداداعى پرەزيدەنتتىك مادەنيەت ورتالىعىندا استانا مەكتەپتەرىنىڭ مۇعالىمى جينالىپ, تىلدەردى وقىتۋ جونىندە پىكىر الماستى.
وعان مادەنيەت مينيسترلىگى ءتىل كوميتەتىنىڭ ساراپشىسى ا.ماحامبەتوۆا, ەۋرازيا ۇلتتىق ۋنيۆەرسيتەتىنىڭ ورىس ءتىلى كافەدراسىنىڭ وقىتۋشىسى ن.قاجىكەنوۆا, «استانا دارىنى» ورتالىعىنىڭ مەڭگەرۋشىسى گ.مىرزاعاليەۆا قاتىستى. قالالىق ءبىلىم باسقارماسىنىڭ ادىسكەرى ب.ءتۇلكىباەۆا «استانا مەكتەپتەرىندە فيلولوگيالىق ءبىلىمدى جەتىلدىرۋ: بولاشاعى مەن مۇمكىندىكتەرى» اتتى تاقىرىپتا وي ءوربىتتى. سونىمەن قاتار, دارىندى بالالارمەن ءتيىمدى جۇمىس ىستەۋ تۋرالى ەلورداداعى قازاق-تۇرىك ليتسەيىنىڭ مۇعالىمى ب.ساعيەۆا ءوز تۇجىرىمدارىمەن تانىستىردى. ول وقىتۋدىڭ ساپاسىن جاقسارتۋدىڭ بىردەن-ءبىر جولى رەتىندە باقىلاۋ الىپ تۇرۋدىڭ ماڭىزى زور ەكەنىن, بۇل ۇبت-دا ءوز ناتيجەسىن بەرەتىنىنە دالەلدى دايەكتەر كەلتىردى. ال №62 ورتا مەكتەپ مۇعالىمى ر.ەگىزباەۆا بالالار شىعارماشىلىعىن دامىتۋ ارقىلى پەداگوگيكالىق شەبەرلىكتى شىڭداۋعا بولاتىنىن ءوزىنىڭ ءىس-تاجىريبەسىمەن دالەلدەپ, قويىلعان سۇراقتارعا ناقتى مىسالدارمەن جاۋاپ بەردى.
ن.بەرىشكەەۆا, استانا قالاسىنداعى №56 ورتا مەكتەپتىڭ ورىس ءتىلى ءپانىنىڭ مۇعالىمى.