ءدىني باسقارما بەكىتكەن 2026 جىلعى ءدىني كۇندەر كەستەسىنە سايكەس, بيىل رامازان ايىنىڭ العاشقى كۇنى 19 اقپانعا سايكەس كەلەدى, دەپ حابارلايدى Egemen.kz.
كەستەگە سايكەس بيىل ورازا 29 كۇنگە سوزىلادى.
مۇسىلمان حاكىمدەرى ادامنىڭ ورگانيكالىق اسقازانى سەكىلدى, رۋحاني اسقازانى دا بار ەكەنىن تۇسىندىرەدى. رامازان ءتان توياتىنىنان ۋاقىتشا تىيعانىمەن, ادامنىڭ جانىن «سەمىرتەتىن» قاسيەتتى اي ەكەنىن جەتكىزەدى. بۇل ۋاقىتتا اۋىز بەكىتكەن, سونداي-اق بەلگىلى سەبەپتەرمەن بەكىتە الماعان مۇحاممەد ۇمبەتى جامان ىستەردەن تىيىلىپ, ءوزىن-ءوزى تازارتۋعا, كەمەلدەندىرۋگە تىرىسۋ قاجەت.
ايتا كەتەيىك, ءدىني باسقارمانىڭ بەكىتۋىمەن بيىلعى جىلدىڭ ءپىتىر ساداقاسى ەلىمىز بويىنشا ەكى كەلى ۇننىڭ ورتاشا باعاسى نەگىزىندە 735 تەڭگەنى قۇرادى.
ەسكە سالايىق, رامازان ايى قارساڭىندا جاڭا Telegram-بوت ىسكە قوسىلدى. حالىق شاريعاتقا قاتىستى سۇراقتارىن سوندا جولداپ, لەزدە جاۋاپ الا-الادى.