رەسەيدىڭ ارحانگەلسك قالاسىندا گىر سپورتىنان ءوتىپ جاتقان دۇنيەجۇزىلىك وليمپيادادا اتىراۋلىق ەۆگەني ۋحوۆ الەمدىك رەكوردتى جاڭارتىپ, گيننەستىڭ رەكوردتار كىتابىنا ەندى.
ول الەمنىڭ 44 ەلىنەن جينالعان 500 اتلەتتىڭ الدىندا 75 كيلوعا دەيىنگى سالماقتا 24 كيلوگرامدىق گىردى 2 مينوتتە 65 رەت كوتەرىپ, «جۇلقي-سپرينت» نوميناتسياسىندا ءبىرىنشى ورىندى جەڭىپ الدى. وسى جەڭىسىن ە.ۋحوۆ ەل تاۋەلسىزدىگىنىڭ 20 جىلدىعىنا ارناپ وتىر.
بۇل – ە.ۋحوۆتىڭ سوڭعى 15 جىلدا قاتىسىپ كەلە جاتقان ءتۇرلى حالىقارالىق جارىستارداعى 8-ءشى الەمدىك رەكوردى. ول – گىر سپورتىنان قازاقستاننىڭ, رەسەي, ەۋروپا جانە الەمنىڭ بىرنەشە دۇركىن چەمپيونى.
داستان كەنجالين.