پارلامەنت سەناتى اپپاراتىنىڭ باسشىسى تالعات ءسارسەنباەۆ قحر ءحوبج تۇراقتى كوميتەتى باس حاتشىسىنىڭ ورىنباسارى تساو ۆەيچجوۋمەن كەزدەستى, دەپ حابارلادى سەناتتىڭ ءباسپاسوز قىزمەتى.
كەزدەسۋ بارىسىندا پارلامەنت سەناتىنىڭ توراعاسى قايرات ءماميدىڭ شاقىرۋى بويىنشا حالىق وكىلدەرىنىڭ بۇكىلقىتاي جينالىسى تۇراقتى كوميتەتىنىڭ توراعاسى ۋ بانگونىڭ 2011 جىلعى 23-28 قىركۇيەكتە قازاقستانعا العاشقى رەسمي ساپارىنا ازىرلىك ماسەلەلەرى تالقىلاندى.
«ءبىز قحر جوعارى وكىلدى ورگانى ءبىرىنشى باسشىسىنىڭ ءبىزدىڭ ەلىمىزگە الداعى ساپارىنا ەرەكشە ماڭىز بەرەمىز», – دەدى ت.ءسارسەنباەۆ جانە ول ساپاردىڭ جوعارى دەڭگەيدە وتەتىنىنە سەنىم ءبىلدىردى.
«ءبىزدىڭ ەلىمىزدىڭ جوعارى وكىلدى ورگانى باسشىسىنىڭ قازاقستانعا كەلۋى ءبىزدىڭ ءداستۇرلى دوستىعىمىز بەن تاتۋ كورشىلىگىمىزدى, سونداي-اق ەكى مەملەكەت اراسىنداعى جان-جاقتى ستراتەگيالىق ارىپتەستىكتى دامىتۋعا ازىرلىگىن كورسەتەدى», دەدى تس.ۆەيچجوۋ.