قوستانايدا 2026 جىلدىڭ العاشقى ۇبت-سى اياقتالدى. ۇلتتىق تەستىلەۋ ورتالىعىنىڭ قوستاناي قالاسىنداعى فيليالىنىڭ باسشىسى نۇرگەلدى حاسەنوۆتىڭ ايتۋىنشا, تالاپكەرلەردىڭ 39%-ى قازاق تىلىندە, 61%-ى ورىس تىلىندە جانە 1 ادام اعىلشىن تىلىندە تەست تاپسىرعان, دەپ حابارلايدى Egemen.kz.
«تەست قورىتىندىسى بويىنشا تالاپكەرلەردىڭ 74%-ى شەكتى بالل جينادى. بەس ءپاندى قوسقاندا ورتاشا ۇپاي 65 بالدى قۇرادى. ەڭ جوعارى ناتيجە – 133 بالل. ۇبت-عا ەرەكشە ءبىلىم بەرۋ قاجەتتىلىگى 14 تالاپكەر قاتىسقانىن ايتا كەتكەن ءجون. تەستىلەۋ بارىسىندا 6 ەرەجە بۇزۋشىلىق انىقتالدى. 5 تالاپكەر سمارتفون, شپارگالكا جانە باسقا دا تىيىم سالىنعان زاتتاردى الىپ كىرمەك بولعانى ءۇشىن تەستىلەۋدەن شەتتەتىلدى. تاعى 1 ادام تەستىلەۋ كەزىندە ەرەجە بۇزعانى ءۇشىن اۋديتوريادان شىعارىلىپ, تەست ناتيجەسى جويىلدى», دەيدى فيليال باسشىسى.
قاڭتارداعى ۇبت: تەستىلەۋ ەرەجەسىن بۇزعان 120 ادامنىڭ ناتيجەسى جويىلدى
بيىل ۇبت اياقتالعاننان كەيىن 31 قازانعا دەيىن تەست تاپسىرۋ كەزىندە تۇسىرىلگەن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ دەرەكتەرى انىقتالعان جاعدايدا تالاپكەردىڭ ۇبت ناتيجەسى جويىلادى.
ناۋرىز ايىنداعى ۇبت-عا قاتىسۋ ءۇشىن ءوتىنىش قابىلداۋ 15 اقپاندا باستالادى