ەلىمىزدە زەينەتاقىنىڭ ورتاشا مولشەرى قانشا تەڭگە؟

ورتاشا مولشەر

قازىرگى تاڭدا جيىنتىق زەينەتاقىنىڭ ورتاشا كولەمى 157 843 تەڭگەنى قۇرايدى. ونىڭ ىشىندە:

ىنتىماقتى زەينەتاقى – 103 931 تەڭگە,

بازالىق زەينەتاقى – 53 912 تەڭگە.

بۇل كورسەتكىشتەر زەينەتاقى جۇيەسىنىڭ ەكى دەڭگەيلى قۇرىلىمىنا نەگىزدەلگەن.

ۇلتتىق قوردان 10 جىل ىشىندە جۇمسالماعان قارجى زەينەتاقى شوتىنا اۋدارىلادى

بازالىق زەينەتاقى قالاي ەسەپتەلەدى؟

2018 جىلعى 1 شىلدەدەن باستاپ مەملەكەتتىك بازالىق زەينەتاقى ءار ازاماتقا زەينەتاقى جۇيەسىندەگى ەڭبەك وتىلىنە قاراي جەكە تاعايىندالادى.

ەڭبەك وتىلىنە 1998 جىلعى 1 قاڭتارعا دەيىنگى ىنتىماقتى جۇيەدەگى جۇمىس كەزەڭى, سونداي-اق مىندەتتى زەينەتاقى جارنالارى اۋدارىلعان ۋاقىت كىرەدى.

ەگەر ازاماتتىڭ جۇيەدەگى ءوتىلى 10 جىل نەمەسە ودان از بولسا, بازالىق تولەم ەڭ تومەنگى كۇنكورىس دەڭگەيىنىڭ 70 %-ى مولشەرىندە بەلگىلەنەدى. 10 جىلدان اسقان ءار جىل ءۇشىن تولەم كولەمى 2 %-عا ۇلعايادى.

ماسەلەن:

20 جىل ەڭبەك ءوتىلى بولسا – 90%,

34 جىل جانە ودان كوپ بولسا – كۇنكورىس دەڭگەيىنىڭ 118%-ى تولەنەدى.

ءبىر اي ىشىندە مىندەتتى زەينەتاقى جارنالارى بىرنەشە رەت اۋدارىلسا دا, ەسەپتەۋ بارىسىندا ول ءبىر ايلىق قاتىسۋ مەرزىمى رەتىندە سانالادى.

سوندىقتان مىندەتتى جارنالار نەعۇرلىم تۇراقتى ءارى تولىق كولەمدە اۋدارىلسا, زەينەت جاسىنا جەتكەندە بازالىق تولەم سوعۇرلىم جوعارى بولادى.

زەينەتاقى تولەمى كەشىكپەۋى ءۇشىن نە ىستەۋ قاجەت؟

ىنتىماقتى زەينەتاقى نەگە بايلانىستى؟

جاسىنا بايلانىستى زەينەتاقى مولشەرى 1998 جىلعى 1 قاڭتارعا دەيىنگى ەڭبەك وتىلىنە (كەمىندە 6 اي بولۋى شارت) جانە زەينەتكە شىعار الدىنداعى ورتاشا ايلىق تابىسقا قاراي ايقىندالادى.

وسىلايشا زەينەتاقى كولەمى ازاماتتىڭ ەڭبەك جولى مەن زەينەتاقى جارنالارىنىڭ جۇيەلىلىگىنە تىكەلەي بايلانىستى. الەۋمەتتىك تولەمدەردىڭ تۇراقتىلىعى – مەملەكەت ساياساتىنىڭ باسىم باعىتى.

زەينەتاقى قورىنداعى اقشا: بەس جىلعى تاجىريبەدەن نە ۇقتىق؟