ەۋرازيالىق ەكونوميكالى كەڭەس سينگاپۋر رەسپۋبليكاسىمەن ەركىن ساۋدا ايماعى تۋرالى كەلىسسوز جۇرگىزۋدى دۇرىس دەپ تاپتى, دەپ حابارلادى كەڭەستىڭ ءباسپاسوز قىزمەتى.
كوميسسيا مەن ەۋرازيالىق ەكونوميكالىق وداق ەلدەرىنىڭ سينگاپۋرمەن كەلىسسوزى بىرلەسكەن زەرتتەۋ توبىنىڭ جۇمىسى اياقتالعان سوڭ باستالادى.
«كوميسسيانىڭ كەڭەسى سينگاپۋرمەن ودان ءارى جۇمىس ىستەۋدىڭ باعىتى تۋرالى كونتسەپتۋالدىق شەشىم قابىلدادى», – دەپ اتاپ ءوتتى ەەك ساۋدا جونىندەگى القا مۇشەسى ۆەرونيكا نيكيشينا.
سينگاپۋردە يمپورتتىڭ بارلىق ءتۇرى كەدەندىك باج سالىعىنان بوساتىلعانى ەسكەرىلىپ, قارىم-قاتىناستى دامىتۋدىڭ وسىعان بايلانىستى الەۋەتىنە, قىزمەت ساۋداسى جانە ينۆەستيتسياعا قاتىستى پرەفەرەنتسيالدى رەجيمگە كوشۋگە ەرەكشە نازار اۋدارىلادى.
كەڭەستىڭ وتىرىسىندا جاۋاپكەرشىلىك سالاسىن ءبولۋ جونىندە ۋاعدالاستىققا قول جەتكىزىلدى. اتاپ ايتقاندا, سينگاپۋرلىك ارىپتەستەرمەن ينۆەستيتسياعا قاتىستى ديالوگتى وداققا مۇشە ەلدەردىڭ وكىلدەرى ءوز بەتتەرىنشە جۇرگىزەدى. ال كوميسسيا بولسا جالپى ەاەو-سينگاپۋر فورماتىنداعى ءوزارا ءىس-قيمىلدى ۇيلەستىرەتىن بولادى, دەپ اتاپ ءوتتى ەەك ساۋدا جونىندەگى ءمينيسترى ۆەرونيكا نيكيشينا.