«يىۇ ىقپالداستىق قورىنا» 500 000 اقش دوللارىن اۋدارادى
وسىعان دەيىن ءوز ەركىمەن موينىنا العان مىندەتتەرگە سايكەس, قازاقستان «يىۇ ىقپالداستىق قورىنا» گۋمانيتارلىق داعدارىسقا دۋشار بولعان سوماليگە كومەك رەتىندە 500 000 اقش دوللارىن اۋداراتىن بولادى. قازاقستان رەسپۋبليكاسى ۇكىمەتىنىڭ ءتيىستى №967 وكىمى 26.08.2011 جىلى شىعارىلعان بولاتىن, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
17 تامىزدا ىستامبۇل قالاسىندا قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆتىڭ توراعالىعىمەن وتكەن يىۇ اتقارۋشى كوميتەتىنىڭ جەدەل مينيسترلەر وتىرىسى سوماليگە كومەك كورسەتۋ مەن ىقپالداستىقتى ۇيلەستىرۋگە باعىتتالعان ەدى. جينالىس جۇمىسىنا سومالي پرەزيدەنتى شاريف احمەد, تۇركيا پرەمەر-ءمينيسترى رەدجەپ تايىپ ەردوعان, يىۇ باس حاتشىسى ەكمەلەددين يحسانوعلى, مينيسترلەر جانە باسقا دا 36 مۇشە مەملەكەتتەردىڭ جوعارى مارتەبەلى وكىلدەرى قاتىستى.
«قازاقستان يسلام ىنتىماقتاستىعى ۇيىمى سىرتقى ىستەر مينيسترلەرى كەڭەسىنىڭ توراعاسى رەتىندە مۇسىلمان اعايىندارىمىزعا ناقتى كومەك بەرۋمەن شەكتەلمەي, پرەزيدەنت ن.نازارباەۆتىڭ ماۋسىم ايىندا استانادا ايتقان ۇيىم شەڭبەرىندەگى ازىق-ت ۇلىك قاۋىپسىزدىگى جۇيەسىن قۇرۋ ءجونىندەگى باستاماسىن جۇزەگە اسىرۋ ماقساتىندا يىۇ باعىتىنداعى ارىپتەستەرىمەن ىنتىماقتاستىقتى بەلسەندەندىرە تۇسۋگە نيەتتى, – دەپ اتاپ ءوتتى ءوز سوزىندە ە.قازىحانوۆ. – جەدەل ءىس-ارەكەتتەرمەن قاتار, ءبىز ۇزاق مەرزىمدى ازىق-ت ۇلىك قاۋىپسىزدىگىن قامتاماسىز ەتۋ جاعىن دا قاراستىرۋىمىز قاجەت دەپ سەنەمىن».
ءمينيستردىڭ ايتۋىنشا, سومالي ءۇشىن قۇرىلىپ وتىرعان قور ءتورت ورتا مەرزىمدى ماقساتتارعا قول جەتكىزۋگە مۇمكىندىك اشادى, وعان ازىق-ت ۇلىك قاۋىپسىزدىگى, دەنساۋلىق ساقتاۋ, اۋىز سۋعا قولجەتىمدىلىكتى قامتاماسىز ەتۋ جانە ەكونوميكالىق قايتا جاندانۋ كىرەدى.
قازاقستان رەسپۋبليكاسى ۇكىمەتىنىڭ توتەنشە جاعدايلار قورىنان ءبولىنىپ وتىرعان, رەسپۋبليكالىق بيۋدجەتتە 2011 جىلعا قازاقستان اۋماعىنداعى جانە شەتەلدەردەگى تابيعي جانە تەحنوگەندى سيپاتتاعى توتەنشە جاعدايلارعا قاراستىرىلعان قاراجات سوماليگە رەسمي گۋمانيتارلىق كومەك رەتىندە «يىۇ ىقپالداستىق قورى» ەسەبىنە اۋدارىلاتىن بولادى.