قازاقستان ماكاومەن ءوزارا ۆيزاسىز رەجيم ەنگىزۋدى قاراستىرىپ جاتىر, دەپ حابارلايدى حابار24.
بۇل تۋرالى گونكونگ پەن ماكاوداعى قازاقستاننىڭ باس كونسۋلى انۋاربەك ارعىنعازين ايتتى. ونىڭ سوزىنشە, ارنايى اكىمشىلىك اۋدانىنىڭ كاسىپكەرلەرى قازىر قوستاناي مەن شىمكەنتتە سابان وڭدەپ, ەكولوگيالىق تازا ءونىم شىعاراتىن ەكى زاۋىت سالماق. ينۆەستيتسيالىق جوبا ءساتتى جۇزەگە اسسا, 400 ادامعا جاڭا جۇمىس ورنى اشىلادى.
«كەلەسى جىلى ۇلكەن ءبىر-ەكى زاۋىت سالعىمىز كەلەدى. ونىڭ ءبىرى قوستاناي وبلىسىندا, بىرەۋى وڭتۇستىك قازاقستان وبلىسىندا. بۇلاردىڭ ينۆەستيتسياسى قازىر كەلەسى جىلى كوبەيە تۇسەدى, ءبىز سول باس كونسۋلدىقتىڭ جۇمىسى وسى ەكى قالانىڭ بيزنەستەرىن, وسى ەكى قالانىڭ ساياساتكەرلەرىن, وسى ەكى قالانىڭ ۇلكەن ۇلكەن كومپانيالارىن ەلگە اپارىپ ينۆەستيتسيا جاساتۋ», – دەيدى قازاقستاننىڭ گونكونگ پەن ماكاوداعى باس كونسۋلى انۋاربەك ارعىنعازين.