اگروونەركاسىپ كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا ەت ءوندىرىسى 1,3 ەسە ارتپاق. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا اۋىل شارۋاشىلىعى مينيسترلىگى مال شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى ەركەبۇلان احمەتوۆ مالىمدەدى.
«باعدارلامانىڭ باستى ماقساتى – نارىقتاردا اسا قاجەتتى باسەكەگە قابىلەتتى اوك ونىمدەرىن ءوندىرۋدى قامتاماسىز ەتۋ. ءوز كەزەگىندە, وعان قول جەتكىزۋ ءۇشىن 4 باعدارلامالىق ماقسات پەن 16 مىندەت تۇجىرىمدالدى. ەكىنشى باعدارلامالىق ماقسات اۋىل شارۋاشىلىعىنىڭ باسىمدىققا يە تۇرلەرىنىڭ كولەمىن ارتتىرۋعا باعىتتالعان. ول ءۇشىن مال شارۋاشىلىعىنىڭ تيىمدىلىگىن 40%-عا ارتتىرۋ مىندەتى تۇر. وسىعان بايلانىستى جانۋارلاردى ازىقتاندىرۋ راتسيونىن ساقتاۋ ارقىلى جەم-ءشوپ دايىنداۋ باعىتىندا جۇيەلى جۇمىستار جۇرگىزىلەدى. ياعني, ەلدىك اۋقىمداعى جەم-ءشوپ بالانسىن ازىرلەۋ قولعا الىنادى. ءۇشىنشى باعدارلامالىق ماقسات – اوك-ءتى دامىتۋ ءۇشىن نەگىزگى رەسۋرستار تۇرلەرىن ءتيىمدى پايدالانۋ. بۇل ورايدا اوك سۋبەكتىلەرىن سۋبسيديالاۋ مەن «قازاگرو» ۇبح» اق ەنشىلەس كومپانيالارى ارقىلى نەسيەلەندىرۋ جۇيەسىنە ايتارلىقتاي وزگەرىستەر ەنگىزۋ جوسپارلانۋدا. اتالعان جۇيەنى جەتىلدىرۋ اياسىندا ءتيىمسىز 6 سۋبسياديالاۋ ءتۇرى جويىلىپ, 34 سۋبسيديالاۋ ءتۇرىنىڭ كريتەريلەرى وزگەرەدى», – دەپ اتاپ ءوتتى ە.احمەتوۆ.
سونىمەن قاتار, دەپارتامەنت ديرەكتورى وسىمدىك شارۋاشىلىعى تيىمدىلىگىن ەگىس القاپتارىن ديۆەرسيفيكاتسيالاۋ ارقىلى ارتتىرۋعا بولاتىنىن ايتتى. وسى ماقساتتا وڭىرلەردىڭ ەرەكشەلىگى مەن داقىلدار بويىنشا ەگىستىك الاڭدارىنىڭ ەسەبى جۇرگىزىلدى. الداعى ۋاقىتتا بوساتىلعان اۋماقتار ارپا, س ۇلى, جۇگەرى ەگىستىكتەرىمەن الماستىرىلادى.
ايدار ورىسباەۆ, "ەگەمەن قازاقستان".