وسى جىلدىڭ باسىندا مەديتسينالىق ۇيىمدار تاراپىنان حالىق ساناعى بويىنشا ۇلكەن جۇمىس جۇرگىزىلدى. ناتيجەسىندە مەديتسينالىق ۇيىمدارعا تىركەلگەن ازاماتتار سانى 25760 ادامعا ارتتى. بۇل تۋرالى قىزىلوردا وبلىسىنىڭ دەنساۋلىق ساقتاۋ باسقارماسىنىڭ باسشىسى اقمارال ءالنازاروۆا حابارلادى.
«حالىق ساناعىن وتكىزۋ 2016 جىلى رەسپۋبليكالىق بيۋدجەتتەن قوسىمشا 154,5 ملن تەڭگە تارتۋعا مۇمكىندىك جاسادى. وسىعان بايلانىستى بيىل سكرينينگتەن وتكەن تۇرعىنداردىڭ سانى 10 مىڭعا ارتىپ, 257869-دى قۇرادى,- دەدى اقمارال ءالنازاروۆا.
10 ايدىڭ قورىتىندىسى بويىنشا سكرينينگ-تەكسەرۋدەن وتۋگە جوسپارلانعان حالىقتىڭ 96,8% تەكسەرۋمەن قامتىلىپ, انىقتالعان اۋرۋلار سانى 7%-عا ءوستى. جۇرەك-قان تامىرى جۇيەسىنەن انىقتالعان اۋرۋلار 6,5%-عا, گلاۋكومامەن انىقتالعان اۋرۋلار 2 ەسەگە وسكەن.
مۇنىمەن قوسا, 2742 ناۋقاستا ىسىك الدى اۋرۋلارى انىقتالىپ, قاتەرلى ىسىك اۋرۋىنىڭ انىقتالۋى 3,4 ەسەگە ارتقان. قاتەرلى ىسىك اۋرۋىنىڭ ىشىندە ءبىرىنشى ساتىدا انىقتالعاندار وتكەن جىلمەن سالىستىرعاندا 7%-دان 19%-عا دەيىن جوعارىلاعان. انىقتالعان اۋرۋلاردىڭ 96%-ى ديسپانسەرلىك ەسەپكە الىندى.