شىمكەنتتە «جاستار رەسۋرستىق ورتالىعى» عيماراتىنىڭ سالتاناتتى اشىلۋ ءراسىمى ءوتتى, دەپ حابارلادى وقو ءباسپاسوز قىزمەتى.
«بۇگىندە وڭىرىمىزدە 800 مىڭعا جۋىق جاستار بار. ياعني وبلىس حالقىنىڭ 30 پايىزىن جاستار قۇرايدى. بۇل ۇلكەن كۇش. سوندىقتان ءدال وسىنداي ورتالىقتاردىڭ 16-سىن ىسكە قوسىپ وتىرمىز. الداعى ۋاقىتتا جاستار بەلسەندىلىگى ارتا تۇسەدى, بىرىگىپ, بىرلەسىپ جۇمىس ىستەيمىز دەگەن سەنىمدەمىن», - دەدى اشىلۋ سالتاناتىنا قاتىسقان وبلىس اكىمى جانسەيىت قانسەيىت ۇلى.
ءۇش قاباتتان تۇراتىن عيماراتتىڭ جالپى الاڭى – 1979,9 شارشى مەتردى قۇرايدى. ءبىرىنشى قاباتىندا فويە مەن 8 جۇمىس بولمەسى ورنالاسقان. كۇردەلى جوندەۋدەن وتكەن 600 ورىندىق كونتسەرت زالى زاماناۋي كەيىپتە قايتا جابدىقتالعان.
اتالعان ورتالىق جاستاردىڭ جوبالارى مەن باستامالارىن سۇيمەلدەۋدى, ۆولونتەرلىك قوزعالىس پەن جاستاردىڭ كاسىپكەرلىك بەلسەندىلىگىن ارتتىرۋعا كۇش سالماقشى. سونداي-اق جاستاردىڭ رۋحاني, مادەني جانە شىعارماشىلىق الەۋەتتەرىن جانداندىرۋدى, ءومىردىڭ قيىن جاعدايىنا تاپ بولعان بالالار مەن وتباسىلارعا پسيحولوگيالىق كومەك كورسەتۋدى جۇزەگە اسىرادى.