ءتورت سالماق دارەجەسى بويىنشا الەمنىڭ بۇرىنعى چەمپيونى روي دجونس الماتىدا وتكىزگەن ءباسپاسوز ءماسليحاتىندا گولوۆكين-دجەيكوبس جەكپە-جەگى تۋرالى جانە GGG-مەن ءوزى قولعاپ تۇيىستىرسە قالاي بولاتىنى تۋرالى پىكىرىن ءبىلدىردى, - دەپ حابارلايدى Vesti.kz.
"قۇراما شتاتتارىندا ماعان كىم باسەكەلەس بولا الارىن بىلمەيمىن. مەن ءۇشىن الەمدە ايتارلىقتاي قاۋىپتى دەي الاتىن ەكى بوكسشى بار. مەنىڭشە, گولوۆكينمەن جەكپە-جەك وتە اۋىر بولاتىن ەدى. گولوۆكينمەن رينگكە شىعاتىنداي دجەيكوبس سونشالىقتى مىقتى دەپ ويلامايمىن. گولوۆكين - سۋپەر كۇش. سوندىقتان گولوۆكيننىڭ كۇشىنە قارسى تۇرۋ ءۇشىن كەرەمەت داعدى كەرەك", - دەپ اتاپ ءوتتى روي دجونس.
اڭىزعا اينالعان 47 جاستاعى بوكسشىعا قازاقى ويۋلارى بار بوكس شاپانى سىيعا تارتىلدى.
ەستەرىڭىزگە سالا كەتسەك, بۇعان دەيىن روي دجونس قازاقستاندى ۇزدىك بوكسشىلار وتانى دەپ اتاعانىن حابارلاعان بولاتىنبىز.