2016 جىلعى 12 جەلتوقسان مەن 2017 جىلعى 5 قاڭتار ارالىعىندا «پيروتەحنيكا» اتتى جەدەل-پروفيلاكتيكالىق ءىس-شارا جۇرگىزىلۋدە. بۇل تۋرالى ورتالىق كوممۋنيكاتسيالار قىزمەتىندە «پيروتەحنيكانى پايدالانۋ كەزىندەگى ساقتىق جانە قاۋىپسىزدىك تەحنيكاسىن ساقتاۋ شارالارى تۋرالى» تاقىرىبىندا وتكەن بريفينگ بارىسىندا ىشكى ىستەر مينيسترلىگى اكىمشىلىك پوليتسيا كوميتەتىنىڭ وكىلى مارات وتىنشين ءمالىم ەتتى.
ول پيروتەحنيكالاردى ارنايى رۇقسات ەتىلگەن دۇكەندەردەن ساتىپ الۋعا كەڭەس بەردى. سونداي-اق اكىمشىلىك پوليتسيا كوميتەتىنىڭ وكىلى پيروتەحنيكانى قاۋىپسىزدىك شارالارىن ساقتاي وتىرىپ قولدانۋ قاجەتتىلىگنە نازار اۋداردى.
«جاڭا جىل مەرەكەسىن وتكىزۋ كەزىندە قوعامدىق قاۋىپسىزدىكتى قامتاماسىز ەتۋ, سونداي-اق جەكە جانە زاڭدى تۇلعالاردىڭ بەلگىلەنگەن ازاماتتىق پيروتەحنيكالىق زاتتار مەن ولار قولدانىلىپ جاسالعان بۇيىمداردىڭ اينالىمى قاعيدالارىنىڭ ساقتالۋىن باقىلاۋ ماقساتىندا 2016 جىلعى 12 جەلتوقسان مەن 2017 جىلعى 5 قاڭتار ارالىعىندا اكىمشىلىك پوليتسيا, جەرگىلىكتى پوليتسيا قىزمەتى جانە ازاماتتىق قورعاۋ ورگاندارى بولىمشەلەرىنىڭ قىزمەتكەرلەرى «پيروتەحنيكا» اتتى جەدەل-پروفيلاكتيكالىق ءىس-شارا جۇرگىزىلۋدە. ول رۇقسات ەتىلمەگەن, سونداي-اق رۇقسات بەرۋ قۇجاتتارى جوق پيروتەحنيكالىق بۇيىمداردى ساتۋ فاكتىلەرىن انىقتاۋعا باعىتتالعان, ادامدار جاپپاي جينالاتىن ورىنداردى تەكسەرۋگە ەرەكشە كوڭىل بولىنەدى», – دەپ اتاپ ءوتتى م. وتىنشين.
ايدار ورىسباەۆ, "ەگەمەن قازاقستان".