2016 ج. 23 جەلتوقساندا «استانا ەكسپو-2017» ۇك» اق اككرەديتتەۋ ورتالىعىنىڭ جانە ەكسپو-2017 كورمەسىنىڭ قاتىسۋشىلارىنا بىرىڭعاي قىزمەت كورسەتۋ ورتالىعىنىڭ تۇساۋكەسەرىن وتكىزدى.
ءىس-شارانى وتكىزۋدىڭ باس كەزىندە باق نازارىنا كورمە قاتىسۋشىلارىنا بىرىڭعاي قىزمەت كورسەتۋ ورتالىعى ۇسىنىلدى. سەرۆيستىك قىزمەت كورسەتۋ دەپارتامەنتىنىڭ ديرەكتورى دياس ازبەرگەنوۆ ورتالىقتىڭ فۋنكتسيونالدىق مۇمكىندىكتەرى تۋرالى تولىق ايتىپ بەردى.
«ءبىر تەرەزە» ءپرينتسيپى بويىنشا جۇمىس جاسايتىن بىرىڭعاي قىزمەت كورسەتۋ ورتالىعىن (بۇدان ءارى بقو) ەكسپو-2017 حالىقارالىق مامانداندىرىلعان كورمەسىنىڭ ۇيىمداستىرۋشىسى رەسمي قاتىسۋشىلارعا, سەكتسيا كوميسسارلارىنىڭ كەڭسەلەرىنە جانە ولاردىڭ شتاتتىق قىزمەتكەرلەرىنە قىزمەت كورسەتۋ ءۇشىن قۇردى. ورتالىقتا مەملەكەتتىك جانە باسقا قىزمەتتەردىڭ ءتيىستى تۇرلەرىنە ۋاقىتىلى جانە ءتيىمدى كورسەتەتىن مەملەكەتتىك ورگانداردىڭ جانە باسقا ۇيىمداردىڭ وكىلدەرى (ىشكى ىستەر ورگانىن, كەدەندىك وداق جانە سالىق ورگانىن قوسا) بولادى – دەپ اتاپ ءوتتى د.ازبەرگەنوۆ.
بىرىڭعاي قىزمەت كورسەتۋ ورتالىعىندا ۆيزالىق قولداۋ كورسەتۋ, كوشى-قون ەسەبى, سالىق سالۋ, كەدەندىك ىستەر, اۆتورلىق قۇقىق, سانيتارلىق-ەپيدەميولوگيالىق باقىلاۋ جانە قازاقستان رەسپۋبليكاسىنىڭ راديوجيىلىكتى سپەكترىن قولدانۋ سالاسىنداعى قىزمەتتەر كورسەتىلەدى.
سونداي-اق «قازكوممەرتسبانك» اق ارىپتەسى ءتيىستى بانك قىزمەتتەرىن ۇسىنادى. سونىمەن قاتار, رەسمي قاتىسۋشىلار بىرىڭعاي قىزمەت كورسەتۋ ورتالىعىندا ساقتاندىرۋ, لوگيستيكالىق, كونسالتينگىلىك, نوتاريالدىق, اۋدارما, سونداي-اق اۋە كاسسالارى جانە ەكسپرەسس-پوشتا قىزمەتتەرىن الا الادى.
ءىس-شارانىڭ كەلەسى كەزەڭى اككرەديتتەۋ ورتالىعىنىڭ تۇساۋكەسەرى بولدى, ونىڭ جۇمىسى تۋرالى «استانا ەكسپو-2017» ۇك» اق وپەراتسيالىق باسقارۋ جانە تاۋەكەل-مەنەدجمەنتى دەپارتامەنتىنىڭ ديرەكتورى ماركەن احمەتوۆ حاباردار ەتتى.
«اككرەديتتەۋ جۇيەسى اعىمداعى جىلدىڭ جەلتوقسانىندا ىسكە قوسىلدى. ەندى كورمە اۋماعىندا جانە جەكە وبەكتىلەرىندە بولعىسى كەلەتىن بارلىق تۇلعالار ونلاين جۇيەدە تىركەلىپ, قازاقستاننىڭ قۇقىق قورعاۋ ورگاندارىندا ارنايى تەكسەرۋدەن ءوتۋى ءتيىس. بۇل دايىندىق جانە وتكىزۋ كەزەڭىندە بارلىق ءىس-شارالاردىڭ قوسىمشا قاۋىپسىزدىگىن قامتاماسىز ەتەدى» - دەدى م.احمەتوۆ.
اككرەديتتەۋ ورتالىعىنىڭ تولىق جۇمىس جاساۋىن قامتاماسىز ەتۋ ءۇشىن اككرەديتتەۋ جۇيەلەرىن ۇيىمداستىرۋ جانە ىسكە قوسۋدىڭ حالىقارالىق تاجىريبەسى قولدانىلدى.
تۇساۋكەسەر ءىس-شارالارى اياقتالعاننان كەيىن سپيكەرلەر باق وكىلدەرىنىڭ قىزىعۋشىلىعىن تۋدىراتىن بارلىق سۇراقتارعا جاۋاپ بەردى.
حالىقارالىق مامانداندىرىلعان كورمە استانا قالاسىندا 2017 جىلعى 10 ماۋسىمنان باستاپ 10 قىركۇيەككە دەيىن وتەتىندىگىن, ونىڭ بارىسىندا شامامەن 5 ميلليون كەلۋ كۇتىلەتىندىگىن ەسكە سالامىز.