اقتاۋدا قوعامدىق ءتارتىپ پەن قاۋىپسىزدىكتى قامتاماسىز ەتۋ ءۇشىن 20 اينالمالى كامەرا ساتىپ الىنادى. جالپى, بەينەكامەرا جەلىسىن ارتتىرۋ ءۇشىن وبلىستىق بيۋدجەتتەن 159 ميلليون تەڭگە بولىنگەن, دەپ حابارلايدى lada.kz. باسىلىمنىڭ حابارلاۋىنشا, "قاۋىپسىز اۋلا" باعدارلاماسى بويىنشا اقتاۋدىڭ ەكى شاعىن اۋدانىنا باقىلاۋ كامەرالارى ورناتىلادى.
ءبىر ايتا كەتەرلىگى, قازىر اقتاۋدا 95, جاڭاوزەندە 38 باقىلاۋ كامەرالارى بار. ولار جەدەل باسقارۋ ورتالىقتارىنا قوسىلعان.
"بۇل شارا حالىق كوپ جۇرەتىن جەرلەردە قىلمىستىڭ الدىن الۋعا مۇمكىندىك بەرەدى. جىلدىڭ باسىنان بەرى ماڭعىستاۋدا بەينەجازبالار ارقىلى 195 قىلمىس اشىلدى. سونىمەن قاتار 28 136 اكىمشىلىك قۇقىق بۇزۋشىلىق انىقتالدى", دەيدى ماڭعىستاۋ ءىىد وكىلدەرى.